22:00 21 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İspaniyada vulkan püskürməsi nəticəsində atılan zəhərli qazın digər ölkələrə də keçəcəyi gözlənilir
 
ANA SƏHİFƏ / DÜNYA
18:57 23.09.2021

İspaniyanın La-Palma adasındakı Kumbre-Vyexa vulkanının püskürməsi nəticəsində atmosferə atılan böyük miqdarda kükürd-dioksidin hətta Afrika qitəsi ölkələrinə çatacağı gözlənilir.

AZƏRTAC xəbər verir ki, proqnozlara görə, yüksək zəhərli qaz tullantıları Portuqaliyanın və İspaniyanın bir hissəsinə, az qala bütün Mərakeş və Tunisə, Fransa, İtaliya, Əlcəzair və Liviya sahillərinə çatıb.

Zəhərli qaz insan bədəni ilə kontaktda, xüsusən astma və bronxit xəstəliklərindən əziyyət çəkən adamlarda tənəffüs yollarını qıcıqlandıra və nəfəs almaqda çətinlik yarada bilər.

İspaniyanın Dövlət Meteorologiya Agentliyinin məlumatına görə, Kumbre-Vyexa vulkanının püskürməsi nəticəsində La-Palmanın yerləşdiyi Kanar adaları arxipelaqı yaxın saatlarda turşu tərkibli yağışa məruz qalmalıdır.

Vulkan püskürməsi artıq 166 hektar ərazini əhatə edib və 350 evi dağıdıb. Vulkanın doqquz püskürmə nöqtəsi müşahidə edilib, onlardan dördü hələ də aktivdir.

Regionda vulkanik təhlükənin ən yüksək - “qırmızı” dərəcəsi elan olunub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM