İşğaldan azad edilmiş Cəbrayılda aqrar sahənin yüksək templə inkişafı üçün potensial böyükdür
Artıq Vətən müharibəsinin qurtarmasından 100 gündən çox vaxt keçib. Ermənistan acı məğlubiyyətindən hələ özünə gələ bilməyib, orada iqtidar-müxalifət münasibətləri gərginliyin pik nöqtəsinə çatıb. Erməni cəmiyyətində parçalanma və ziddiyyətlər gündən-günə dərinləşir.
Seçkilərdə məğlub olmuş qüvvələr Nikol Paşinyandan qisas almaq üçün bütün Ermənistanı fəlakətə sürükləyirlər. Müharibə edib yenidən Azərbaycan ərazilərini işğal etmək çağırışları bitib-tükənmək bilmir. Üstəlik daxili çəkişmələr ölkənin onsuz da bərbad olan iqtisadiyyatını iflic vəziyyətinə salıb. Bu gün Ermənistan həyat səviyyəsinə görə dünyada ən geri qalan ölkələr sırasındadır.
Azərbaycanda isə tamam başqa mənzərədir. Qələbədən sonra işğaldan azad olunan torpaqların dirçəldilməsi üçün böyük layihələrin icrasına start verilib. Hazırda həmin ərazilər minalardan təmizlənir, yollar, elektrik xətləri çəkilir, su elektrik stansiyaları bərpa edilir, hava limanı inşa olunur, dəmir yolu xətlərinin tikilməsinə hazırlıq işləri görülür. Artıq bu ərazilərdə “ağıllı kənd” layihəsinin icrasına başlanıb, “yaşıl enerji”dən istifadə etmək üçün Günəş və külək elektrik stansiyalarının tikilməsi proqnozlaşdırılır, mədəni və dini abidələrin bərpası planlaşdırılır. Məqsəd qısa bir müddətdə “böyük qayıdış”a başlamaqdır.
Torpaqlarımız işğaldan azad ediləndən sonra bütün dünya ermənilərin burada törətdikləri vandalizmin şahidi oldu, bu gün isə torpaqlarımızı bərpa etməkdə əzmkarlığımızı görür. Hətta müharibədən əvvəl və savaş dövründə ermənilərin tərəfini tutan bəzi ölkələr indi işğaldan azad olunmuş ərazilərimizdə quruculuq-bərpa işlərində iştirak etmək istəyirlər. Bir sözlə, Qarabağda böyük quruculuq işlərinə ciddi başlanıb.
Bəllidir ki, bu torpaqlarda əhalinin başlıca məşğuliyyəti kənd təsərrüfatı olub. Bu üzdən də həmin rayonlarda aqrar sektorun bərpası, eləcə də müasir texnika və texnologiyalardan istifadə etməklə onu daha yüksək səviyyəyə çatdırmaq üçün araşdırmalar aparılır. Kənd Təsərrüfatı Nazirliyinin Aqrar Tədqiqatlar Mərkəzinin əməkdaşı Ramil Alıyev Cəbrayıl rayonunun bu sahədəki perspektivlərindən danışarkən deyib ki, bu bölgəmiz Qarabağın, Kiçik Qafqaz dağlarının cənub-şərqində, İranla sərhəddə yerləşir. Ərazisi 1050 kvadratkilometrdir. Rayonun torpaqları işğaldan əvvəl bol suyu ilə fərqlənən Araz, İncəçay və Çaylaqçay çayları ilə suvarılıb. Cəbrayıl rayonu ərazisində inşa edilmiş Xudafərin su anbarı vasitəsilə 7500 hektar sahənin suvarılması mümkündür.
İşğaldan əvvəl rayonun əhalisi əsasən kəndlərdə məskunlaşmışdı və əsas məşğuliyyət də kənd təsərrüfatı olmuşdur. Ərazisindəki iqlimin və bol sulu çaylarının verdiyi imkanlar sayəsində rayon sakinləri həm birillik, həm də çoxillik əkinlərini rahat becərə bilirdilər. Əsas məşğuliyyətin əkinçilik olduğu rayonda müxtəlif meyvə, tərəvəz, xüsusilə tütün və üzüm yetişdirilirdi.
Yayı isti, qışı mülayim keçən bölgədə otlaq sahələri geniş olduğu üçün heyvandarlıq da inkişaf etmişdi. 1988-ci ilin statistik məlumatlarına əsasən, əkin sahəsi 24877 hektar olan rayonda 77639 ton məhsul istehsal edilmişdi.
Sadalanan əmək, torpaq, iqlim və su resursları ilə indiki vaxtda isə əvvəlkindən dəfələrlə çox məhsul istehsal etmək mümkündür. Nəzərə alsaq ki, müasir dövrdə ölkəmizdə kənd təsərrüfatının bütün sahələrində müasir yanaşma ilə ciddi inkişafa nail olunub rayon heyvandarlıqda yeni növ cinslər, bitkiçilikdə isə daha məhsuldar toxumların tətbiqi ilə işğaldanəvvəlki istehsal həcminə nisbətən ciddi irəliləyiş əldə edə bilər.
Ekspert R.Alıyev xatırladır ki, işğaldan əvvəl respublika üzrə əkilən torpaqların cəmi 1,45 faizinə sahib olmuş Cəbrayıl rayonunda işçi qüvvəsi və iqlim resurslarından məhsuldar şəkildə istifadə edildiyindən daim yüksək məhsul götürülüb. Bunu nəzərə alaraq əsasən üzüm istehsalı üzrə ixtisaslaşan bölgədə bu sahədə istehsalın bərpasından sonra təqribən 23 faiz artım gözlənildiyini proqnozlaşdırmaq olar. Arpa, buğda, dənli və dənli-paxlalı bitkilərin istehsalında isə təqribən 1,5 faiz artım mümkündür. İribuynuzlu heyvandarlıqda təqribən 1, xırdabuynuzlu heyvandarlıqda isə 1,2 faiz artım əldə ediləcəyi təxmin edilir. Diri və kəsilmiş çəkidə ət istehsalı 0,6, yun istehsalı təqribən 1 faiz artacaq. Süd və yumurta istehsalında da müvafiq olaraq 0,5 və 0,6 faiz artım proqnozlaşdırılır.
Son illər ərzində Azərbaycanın kənd təsərrüfatının bütün sahələrində ciddi inkişaf əldə edilib. Şübhəsiz ki, ermənilər tərəfindən işğal edilməsəydi, Cəbrayıl rayonu da bu inkişafdan kənarda qalmayacaqdı. Odur ki, müasir dövrdə elmin inkişaf səviyyəsi, intensiv istehsal texnologiyaları, innovativ becərmə üsulları və rayonun öz potensial imkanlarından səmərəli istifadə onun gələcək uğurlarına inam yaradır.
Rüstəm KAMAL,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!