16:37 22 Sentyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İrina Kindzerska: Qazandığım medal qadın cüdoçulara gələcək karyeralarında ilham verə bilər
 
ANA SƏHİFƏ / İDMAN
16:23 30.07.2021

 

Çox xoşbəxtəm. Hisslərimi sözlə ifadə edə bilmirəm. Olimpiya mükafatçısı olduğum andan sanki mənim üçün hər şey dəyişdi. Bu gün maksimum hazırlıqlı idim və bütün diqqətimi qarşılaşmalarıma yönəltmişdim. Hamıya sübut etmək istəyirdim ki, Azərbaycanda qadın cüdosu inkişaf edib, sadəcə çox çalışmaq lazımdır.

AZƏRTAC xəbər verir ki, bunu “Tokio-2020” Yay Olimpiya Oyunlarında 78 kiloqramdan yuxarı çəki dərəcəsində bürünc medal qazanan Azərbaycanın qadın cüdoçusu İrina Kindzerska deyib.

Olimpiya mükafatçısı deyib: “Qazandığım medal digər qadın cüdoçulara gələcək karyeralarında ilham verə bilər. Məşqçilərimə, Azərbaycan Cüdo Federasiyasına təşəkkürümü bildirirəm. Vitse-prezident Sadıq Sadıqova inam və dəstəyinə görə minnətdaram. Yaşlı idmançı olmağıma rəğmən, mənə inandılar. Təbii ki, həyat yoldaşıma, ailəmə, valideynlərimə xüsusilə təşəkkür edirəm. Onlar nəticəmdən asılı olmayaraq, mənimlə fəxr edirlər”.

İlk görüşdən gərgin idman mübarizəsi şəraitində yarışdığını deyən idmançı qeyd edib: “Görüşdən-görüşə medal qazana biləcəyimə inamım artırdı. Əlbəttə, yarımfinalda yaponiyalı Akira Soneyə uduzmağım məni məyus etdi. Bu görüşdən sonra toparlanmaq psixoloji cəhətdən ağır idi. Amma anladım ki, ikinci məğlubiyyət medalımı itirməyimlə nəticələnə bilər. Sadəcə, buna imkan verməməliyəm”, - deyə cüdoçu əlavə edib.

Təcrübəli cüdoçu bu gün sevinc göz yaşlarına hakim ola bilməyəcəyini vurğulayıb: “Azərbaycanın qadın cüdoçuları arasında indiyədək Olimpiya medalçısı yox idi. Bu, ilk medalımızdır. Fəxr edirəm ki, qadın cüdoçular arasında ilk medalı mən qazandım. İnanıram ki, bundan sonra idmançılarımız daha böyük səylə çalışaraq, ardıcıl medallar qazanacaqlar”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM