İlham Əliyevin quruculuq missiyası davam edir
Ölkənin qərb bölgəsinə növbəti səfəri zamanı dövlət başçısı yeni layihələrin açılışını etdi
Prezident İlham Əliyev ənənəsinə sadiq qalaraq bu il iyulun 22-də ölkəmizin qərb bölgəsinə səfəri çərçivəsində də bir sıra yeni istehsal və sosialyönümlü obyektlərin açılışında iştirak etdi.
Dövlət başçısı Gəncə şəhərinə gələrək, ilk növbədə, Ermənistanın əhaliyə və enerji infrastrukturuna raket hücumları ilə cinayət törətdiyi ərazidə oldu. Erməni faşistlərinin qətlə yetirdiyi günahsız insanların xatirəsinə ehtiram əlaməti olaraq dağılıb yerləyeksan edilmiş yaşayış binalarının ətrafına gül düzdü.
Prezident həmin gün Naftalan Mərkəzi Sanatoriyasının, eləcə də bu şəhərdə istifadəyə verilən 200 yerlik körpələr evi-uşaq bağçasının açılış mərasimində iştirak edib. Daşkəsən rayonuna səfəri çərçivəsində isə dövlət başçısı “AzerGold” QSC-nin “Çovdar” İnteqrəolunmuş Regional Emal Sahəsinin fəaliyyəti ilə tanış olub. Goranboy Olimpiya İdman Kompleksinin açılışında iştirak edib. Goranboy rayonunda, eləcə də Əlirzalı-Xan Qərvənd-Səfikürd-Tapqaraqoyunlu avtomobil yolunun, Olimpiya İdman Kompleksinin açılışını edib. Bunların hər biri özünəməxsus sosial-iqtisadi əhəmiyyət daşıyan obyektdir və Prezidentimizin quruculuq missiyasının davam etdiyini təsdiqləyir.
Bir daha göstərir ki, Azərbaycan təkcə erməni vandallarının dağıtdıqlarını yenidən qurmaqla kifayətlənmir, digər bölgələrimizdə iqtisadi və sosial infrastruktur layihələri həyata keçirməyə də iradəmiz və maddi gücümüz var!
Xatırladaq ki, Naftalan şəhərinin əsasını sanatoriya-kurort infrastrukturu təşkil edir. Müasir əsaslarla yeni kurortların yaradılması şəhərin turizm potensialını daha da genişləndirir. Naftalan Mərkəzi Sanatoriyasının açılışı bunu bir daha sübut edir. Ümumiyyətlə, son illər Naftalan şəhərində müasir tələblərə cavab verən 10-dan çox istirahət və sağlamlıq mərkəzi istifadəyə verilib. Hazırda fəaliyyət göstərən müəssisələr gün ərzində 3000-ə yaxın turist qəbul etmə imkanına malikdir. 2021-ci ildə daha 4 sanatoriya kompleksinin açılışı nəzərdə tutulur. Şəhər infrastrukturunun yenilənməsi, yeni sağlamlıq-istirahət mərkəzlərinin istifadəyə verilməsi yerli və xarici turistlərin Naftalana olan marağını postpandemiya dövründə daha da artıracaq.
Naftalan şəhərində 200 yerlik körpələr evi-uşaq bağçasının istifadəyə verilməsi isə son illərdə paytaxtla yanaşı, bölgələrimizdə də bir çox uşaq təhsil-tərbiyə müəssisələrində əsaslı təmir və yenidənqurma işləri aparıldığına, yenilərinin tikildiyinə daha bir nümunədir.
Goranboyda Olimpiya İdman Kompleksinin istifadəyə verilməsi də dövlətin insanlara qayğısından, onların rifahını və sağlamlığını daim diqqətdə saxlamasından irəli gəlir. Belə ki, uzun illərdir ölkəmizdə Olimpiya hərəkatı geniş vüsət alıb. Onlarca Olimpiya İdman Kompleksi tikilib. Bu da idmana marağı artırıb, gənclərin asudə vaxtlarını daha səmərəli keçirmələri üçün geniş imkanlar açıb. Goranboyda istifadəyə verilən Olimpiya İdman Kompleksi bu qəbildən icra olunan layihələr sırasında xüsusi yer tutur.
Goranboy rayonunda ümumi uzunluğu 38 kilometr olan Əlirzalı-Xan Qərvənd-Səfikürd-Tapqaraqoyunlu avtomobil yolu da dövlət başçısının müvafiq sərəncamlarına əsasən tikilib. Bu məqsədlə Prezidentin Ehtiyat Fondundan vəsait ayrılıb. Avtomobil yolunun tikintisi 8 yaşayış məntəqəsinin rayon mərkəzi ilə nəqliyyat əlaqəsini yaxşılaşdırır. Bu cür yolların müasir səviyyədə inşası isə əhalinin rahatlığını təmin edən əsas sosial amildir.
İyulun 22-də Daşkəsən şəhərində yenidən qurulan su təchizatı və kanalizasiya sistemləri istismara daxil oldu. Daşkəsən rayonunda “AzerGold” QSC-nin “Çovdar” İnteqrəolunmuş Regional Emal Sahəsinin fəaliyyəti ilə tanış olandan sonra Prezident İlham Əliyev Azərbaycan televiziyasına müsahibə verdi. Daşkəsəndə yeni qızıl yatağının istifadəyə verilməsinin önəmli hadisə olduğunu qeyd etdi: “Qeyri-neft sektorunun inkişafı üçün bu sahə xüsusi perspektivlərə malikdir. Dağ-mədən sahəsi bizim qeyri-neft sektorumuzda aparıcı sahəyə çevrilir və perspektivlər də çox gözəldir. Bu gün həm açılışını qeyd etdik, eyni zamanda, bundan sonra görüləcək işlərlə bağlı təqdimat oldu. Təkcə qızıl yox, digər qiymətli metalların hasilatı Azərbaycanda bundan sonra daha geniş miqyasda öz həllini tapacaq. Bununla paralel olaraq, Daşkəsənin ənənəvi sahəsi olan dəmir filizi yataqlarının işlənilməsi ilə bağlı konkret planlar var. Bir müddət bundan əvvəl mənim göstərişimlə xüsusi proqram tərtib edilmişdir, dövlət investisiya resursları cəlb olunmuşdur. Bu sahə çox böyük gəlir gətirən sahə olacaq. Eyni zamanda minlərlə iş yeri yaradılacaq və idxaldan asılılıq azalacaq”.
Müsahibədə Prezident cari ilin ilk altı ayının sosial-iqtisadi yekunlarını müsbət qiymətləndirdiyini də bildirdi. Belə ki, yarım illik yekunlar artıq Azərbaycan iqtisadiyyatının tənəzzüldən çıxdığını göstərir. Dövlət başçısı ilin əvvəlində iqtisadi tənəzzülün daha böyük rəqəmlərlə ölçüldüyünü, hər ay onun azaldığını və may ayının yekunlarına görə iqtisadi inkişafa nail olunduğunu bildirərək dedi: “Altı ayın yekunları isə bunu göstərir ki, bizim iqtisadiyyatımız 2 faiz artıb. Bu, yaxşı göstəricidir. Xüsusilə dünyada gedən proseslərə nəzər saldıqda görürük ki, dünya ölkələrinin böyük əksəriyyəti hələ ki, iqtisadi tənəzzüldədir. Bizim iqtisadiyyatımız isə artır və əminəm ki, ilin sonuna qədər daha da artacaq. Daha sevindirici məsələ odur ki, qeyri-neft sektorumuz 5 faizdən çox artıb. Bu, doğrudan da böyük rəqəmdir, böyük göstəricidir, görülmüş işlərin təzahürüdür”.
İnflyasiya məqbul hesab edilən rəqəmlər ətrafındadır. Valyuta ehtiyatlarımız artıb. Genişmiqyaslı quruculuq işləri apardığımıza, Qarabağı və Şərqi Zəngəzuru sürətlə bərpa etdiyimizə baxmayaraq, valyuta ehtiyatlarımızı azaltmamışıq, artırmışıq və heç bir kreditə müraciət etməmişik. Bu da resurslarımızı göstərir. Azərbaycanda valyuta ehtiyatları xarici dövlət borcundan təxminən 6 dəfə çoxdur. Bu, dünyada çox nadir rast gəlinən haldır.
Daha bir müsbət rəqəm ixracla bağlıdır. Belə ki, ixrac 15 faiz artıb. 6 ayda xarici ticarətin müsbət saldosu 3,4 milyard dollar təşkil edib. Qeyd edək ki, dünya ölkələrinin əksəriyyətində saldo mənfidir, yəni onlar ixrac etdiklərindən çox idxal edirlər.
Prezident işğaldan azad olunmuş ərazilərimizdə gedən bərpa və quruculuq işlərindən də danışmış, Qarabağı və Şərqi Zəngəzuru cənnətə çevirəcəyimizi bir daha bəyan etmişdir.
İstər işğaldan azad olunmuş ərazilərimizə, istərsə də digər bölgələrimizə Prezidentin hər səfəri böyük önəm daşıyır. Çünki hər səfər, dövlət başçısının özünün də dediyi kimi, verilən tapşırıqların necə yerinə yetirildiyinə bir baxış, yeni-yeni müəssisələrin açılışı, infrastrukturun təqdimatı deməkdir.
Flora SADIQLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!