18:16 18 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Heydər Əliyev Fondu Pakistanın Həmzə Xeyriyyə Fonduna təcili tibbi yardım avtomobili və iki min qanköçürmə paketi hədiyyə etmişdir
ANA SƏHİFƏ / SƏHIYYƏ
02:06 19.06.2012
 

Azərbaycanın birinci xanımı, Heydər Əliyev Fondunun prezidenti Mehriban Əliyevanın təşəbbüsü ilə Pakistanın müxtəlif əyalətlərində və şəhərlərində həyata keçirilən silsilə humanitar tədbirlərin davamı olaraq səfir Daşqın Şikarov Heybər Paxtunxva əyalətinə səfər etmişdir.

Azərbaycanın Xarici İşlər Nazirliyinin mətbuat xidmətindən bildirmişlər ki, bu səfər çərçivəsində talassemiya, hemofiliya və qan xərçəngindən əziyyət çəkən xəstələrin müalicəsi ilə məşğul olan bir neçə xəstəxananı özündə birləşdirən Həmzə Xeyriyyə Fonduna Heydər Əliyev Fondu tərəfindən xüsusi qanköçürmə və kiçik laboratoriya ilə təchiz olunmuş "Suzuki" markalı təcili tibbi yardım avtomobili və iki min qanköçürmə paketi təqdim olunmuşdur. 

Heydər Əliyev Fondu tərəfindən hədiyyə olunan təcili tibbi yardım avtomobili vasitəsilə əyalətin müxtəlif şəhərlərində, xüsusilə, Pakistanın Əfqanıstan ilə sərhəddə yerləşən ucqar məntəqələrində qan xəstəliklərindən əziyyət çəkən xəstələrə təhlükəsiz qan köçürülmə xidmətləri göstəriləcək, həmçinin, Hepatit C və B, HİV/AİDS viruslarının müəyyənləşdirilməsi üçün yerli əhali arasında pulsuz testlər təşkil olunacaqdır.

Təqdimetmə mərasimində çıxış edən Pakistan Senatının komitə sədri, senator Hacı Qulam Heydər Əliyev Fondu tərəfindən hədiyyə olunan təcili tibbi yardım avtomobilinin və iki min qanköçürmə paketinin on minlərlə insanın müalicəsinə töhfə verəcəyini və bu hadisənin məhz 14 iyun - Beynəlxalq Donorlar Gününə təsadüf etməsini, həmçinin bu münasibətlə Azərbaycan səfirinin şəxsən qan verməsini yüksək qiymətləndirmişdir. Birinci xanım Mehriban Əliyevaya, Azərbaycan xalqına və dövlətinə təşəkkürünü bildirən senator ölkələrimiz arasında qardaşlıq və dostluq münasibətlərinin yüksək səviyyədə inkişaf etdiyini, Azərbaycan torpaqlarının Ermənistan tərəfindən işğal edilməsi ilə heç zaman barışmayacaqlarını, müharibə başlayacağı təqdirdə özü başda olmaqla, bütün pakistanlıların azərbaycanlı qardaşları ilə bərabər çiyin-çiyinə vuruşmağa hazır olduqlarını vurğulamışdır.

Daha sonra səfir Paxtunxva Göz xəstəxanasında olmuşdur. Diplomat xəstəxananın yeni korpusunun tikintisi və göz xəstəliklərindən əziyyət çəkən imkansız xəstələrin əməliyyat olunması üçün Heydər Əliyev Fondu adından səhiyyə ocağına maliyyə yardımı təqdim etmişdir.

Xəstəxananın baş həkimi Xalid Sultan Xavca səhiyyə ocağının yeni korpusunun tikintisi və yüzlərlə imkansız xəstələrin pulsuz əməliyyat olunması üçün maliyyə yardımına görə birinci xanım Mehriban  Əliyevaya, Azərbaycan xalqına və dövlətinə təşəkkürünü bildirmişdir.

 

AzərTAc



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM