06:19 09 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Havanın çirklənməsi Avropada hər il 50 min nəfərin ölümünə səbəb olur
ANA SƏHİFƏ / DÜNYA
11:02 22.01.2021

 

Havanın çirklənmə səviyyəsinin Ümumdünya Səhiyyə Təşkilatının (ÜST) tövsiyələrinə uyğun şəkildə aşağı salınması hər il Avropada orta hesabla 50 min erkən ölüm halının qarşısını ala bilər.

AZƏRTAC xəbər verir ki, Qlobal Sağlamlıq İnstitutunun tədqiqatçıları Avropanın minə yaxın şəhərində havanın çirklənməsini ölçüblər və nəticələr “Lancet Planetary Health“ elmi nəşrində dərc olunub. Bu zaman alimlər ÜST-ün kriteriyalarını əsas götürüblər və PM2,5 kateqoriyasına daxil olan çirkli hava partikllərinin, eləcə də havadakı azot oksidinin (NO2) miqdarını araşdırıblar. ÜST-ün açıqlamasına görə, hər il dünyada yeddi milyondan çox insan hava çirklənməsinin səbəb olduğu xəstəliklərdən (qan-damar sistemi və nəfəs yolları xəstəlikləri) dünyasını dəyişir. Beynəlxalq qurum havanın təmizliyi üçün sərhəd dəyərlər kimi orta illik göstəricidə PM2,5 kateqoriyalı çirkli hava partikllərinin bir kubmetrdə on mikroqram və azot oksidinin həcmini isə bir kubmetrdə 40 mikroqram olaraq müəyyən edib.

Alimlər müəyyən ediblər ki, Avropa şəhərlərində havanın təmizliyinə ÜST-ün meyarları əsasında riayət olunarsa, hər il 51213 erkən ölüm halının qarşısını almaq mümkün ola bilər. Əgər havanın təmizliyi tədqiq edilən şəhərlər içərisində ekoloji cəhətdən ən təmiz şəhərin səviyyəsinə çatdırılarsa, bu zaman hər il 125 min insanın həyatı xilas edilə bilər.

İnstitutun tədqiqatçısı Mark Nivenhuiysen bildirib ki, bu tədqiqat əksər şəhərlərin havanın çirklənməsinə qarşı kifayət qədər mübarizə aparmadığını nümayiş etdirir. Tədqiqatçıların hava çirklənməsi əsasında apardıqları hesablamalar nəticəsində İtaliyanın Po çayı vadisindəki şəhərləri, Polşa və Çexiya şəhərlərində hava kirliliyi nəticəsində ölüm hallarının daha yüksək olması qənaətinə gəlinib. Maraqlıdır ki, ən təmiz şəhərlər sırasına da İtaliya şəhərləri (Breşa, Berqamo və Viçenza) başçılıq edirlər. Norveçin Tromsö, İsveçin Umea, Finlandiyanın Oulu şəhərləri və İslandiyanın paytaxtı Reykyavik də ən təmiz şəhərlər arasında yer tutublar.

Aparılan tədqiqat zamanı Avropa şəhərlərinin 84 faizində havadakı çirkli partikllərin səviyyəsi ÜST-ün tövsiyə etdiyi sərhəd göstəricidən yuxarı olduğu da müəyyən edilib. Azot oksidinin miqdarı isə şəhərlərin 9 faizində normadan yuxarı olub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM