00:19 12 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Gürcüstan parlamentində Dağlıq Qarabağ münaqişəsinin həllinin Cənubi Qafqazda sülhə və təhlükəsizliyə verdiyi töhfə müzakirə olunub
ANA SƏHİFƏ / DÜNYA
22:39 12.04.2021

 

Gürcüstan parlamentinin Müdafiə və təhlükəsizlik məsələləri üzrə komitəsində “Dağlıq Qarabağ üzrə sülh sazişinin Cənubi Qafqazda təhlükəsizlik mühitinə təsiri” mövzusunda müzakirələr aparılıb.

AZƏRTAC xəbər verir ki, qapalı keçən iclasda komitənin sədri İrakli Beraya regionda baş verən proseslər, Dağlıq Qarabağ münaqişəsinin həlli və qarşıda duran yeni çağırışlar barədə danışıb.

Sonra komitə üzvləri Gürcüstanın Xarici Kəşfiyyat Xidmətinin rəhbəri vəzifəsini icra edən Şalva Lomidzenin məsələ ilə bağlı məruzəsini dinləyiblər.

Xidmət rəisi Dağlıq Qarabağ münaqişəsinin həllinə dair məlumat və razılaşmanın nəticələri barədə ətraflı məlumat təqdim edib.

Bildirib ki, Gürcüstan hökuməti ölkənin bölgədə üzləşdiyi təhlükələrə cavab olaraq müdafiə, milli təhlükəsizlik sistemi və bölgədə təhlükəsizlik mühitini daha da gücləndirilməsi istiqamətində bir sıra vacib addımlar atır.

Toplantıda, həmçinin komitə üzvləri qurumun hazırladığı təhlil və qiymətləndirmələrlə tanış edilib və Gürcüstanın bölgədəki hazırkı vəziyyətlə əlaqədar üzləşə biləcəyi problemlər barədə danışılıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM