Görən heyran qalır
Lənkəran rayonundakı Cil kənd sakini Əli Əkbərovun 48 yaşı var. Bakıda Mədəni-Maarif Texnikumunu bitirib. Kənd klubunda çalışır, yerli məktəbdə musiqi fənnini tədris edir. Mənzilindəki otaqlardan birini qrammofon valları və kitablar üçün ayırıb.
Burada Azərbaycanın 100-dən çox görkəmli muğam ifaçısının və müğənnisinin səsləri yazılmış 1000-ə yaxın qrammofon valları qorunub saxlanılır. Onların arasında görkəmli xanəndələr - Cabbar Qaryağdıoğlunun, Məşədi Məhəmməd Fərzəliyevin, Keçəçi oğlu Məhəmmədin və digərlərinin 1904-cü, 1905-ci, 1912-ci illərdə Varşava, Riqa, Vilnüs və digər şəhərlərdə yazılmış qrammofon valları var.
Əli Əkbərov söhbət zamanı dedi: “Anam Azərbaycan musiqisinə yaxşı bələd idi. Evdə iş-güclə məşğul olanda muğamları asta səslə zümzümə edərdi. Bu da məndə musiqiyə, muğama böyük maraq oyatdı. Qrammofon vallarını toplamağa isə orta məktəbi bitirdikdən sonra başladım. Bakıda oxuduğum illərdə sevdiyim sənətkarların evlərini qapı-qapı gəzməklə bu zəngin musiqi xəzinəsini toplamağa nail olmuşam. Bəzən məndə olmayan qrammofon valını əldə etmək üçün bir sənətkarın evinə 5-10 dəfə getmişəm. Bir qismini mağazadan almışam. Xoşbəxtəm ki, Şövkət Ələkbərova, Gülağa Məmmədov, Fatma Mehrəliyeva, Tükəzban İsmayılova, Rübabə Muradova və onlarca digər görkəmli sənət xadimləri ilə görüşüb söhbətləşmək, onların canlı səsini eşitmək də qismətimə düşüb”.
Kolleksiya həvəskarı Azərbaycanda muğam sənətinin inkişafı ilə bağlı həyata keçirilən layihələri də yüksək qiymətləndirdi. Dedi ki, gənc xanəndələrimiz öz sələflərindən hələ çox öyrənməli, arxayınlaşmamalıdırlar. Klassik muğam ifaçılarımızın dəst-xətti elə bir məktəbdir ki, bu məktəbdən öyrənmək onlara ancaq fayda verər.
Ağaddin BABAYEV,
Lənkəran
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!