26 Noyabr 2021 18:32
580
İQTİSADİYYAT
A- A+

Gömrük Akademiyası: Avropa İttifaqı ölkələrinin universitetləri ilə əməkdaşlığın gücləndirilməsi prioritetdir

 

Noyabrın 24-də Hüquq-Mühafizə Təlimləri üzrə Avropa İttifaqı Agentliyinin (CEPOL) Beynəlxalq Əməkdaşlıq İdarəsinin müdir müavini Qabor Kemenyi və Avropa İttifaqının (Aİ) “Mütəşəkkil Cinayətkarlığa qarşı Təlim və Əməliyyat Tərəfdaşlığı” (TOPCOP) layihəsinin fəaliyyət meneceri Frans Murman Dövlət Gömrük Komitəsinin Akademiyasının (DGKA) fəaliyyəti ilə tanış olublar.

Akademiyadan AZƏRTAC-a bildirilib ki, DGKA-da keçirilmiş görüşdə Akademiyanın rəisi, gömrük xidməti general-mayoru Qulu Novruzov ali təhsil müəssisəsinin fəaliyyəti barədə danışıb.

O, Akademiyanın gömrük təlim-tədris qurumu və eyni zamanda, Ümumdünya Gömrük Təşkilatının Regional Təlim Mərkəzi kimi fəaliyyətindən bəhs edib. Qeyd edilib ki, Gömrük Akademiyası üçün Aİ-yə daxil olan ölkələrin universitetləri və təlim-tədris mərkəzləri ilə əməkdaşlığın gücləndirilməsi prioritet sahədir və bu sahədə mühüm addımlar atılır.

Qulu Novruzov DGKA-nın CEPOL ilə “TOPCOP” layihəsi çərçivəsində əməkdaşlığının ölkənin gömrük xidməti kadrlarının potensialının gücləndirilməsi və peşəkar hazırlığı üçün yeni təlim-tədris imkanları yaratdığını diqqətə çatdırıb.

Şanlı Azərbaycan Ordusunun müstəsna qəhrəmanlığı sayəsində və Müzəffər Ali Baş Komandan İlham Əliyevin rəhbərliyi ilə Azərbaycan torpaqlarının işğaldan azad olunması uğrunda 44 gün davam edən, milli Qələbə ilə başa çatan Vətən müharibəsi nəticəsində Azərbaycan ərazilərinin Ermənistan silahlı qüvvələrinin işğalından azad edildiyini diqqətə çatdıran Akademiya rəisi bütövlükdə ölkənin gömrük sektorunda kadr potensialının yaranmış yeni çağırışlara uyğun olaraq gücləndirilməsinin zəruri olduğunu bildirib.

Tərəflər daha sonra ikitərəfli əməkdaşlıq istiqamətləri və perspektivlər haqqında müzakirə aparıblar. CEPOL əməkdaşları Qabor Kemenyi və Frans Murman DGKA ilə əməkdaşlıqdan böyük məmnuniyyət duyduqlarını, əməkdaşlığın genişləndirilməsini arzu etdiklərini və bunun üçün zəruri dəstəyi təmin etməyə hazır olduqlarını vurğulayıblar.

Xatırladaq ki, DGKA “TOPCOP” layihəsi çərçivəsində Azərbaycanda gömrük xidməti orqanlarının kadr potensialının gücləndirilməsi üzrə məsul qurumdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video