Ermənistanda dövlətçilik tənəzzül mərhələsinə qədəm qoyub
Ermənistanda daxili-siyasi vəziyyət tam nəzarətdən çıxıb. Revanşist qüvvələrlə Paşinyanın tərəfdarları faktiki olaraq mitinq yarışındadırlar. Postmüharibə dövrünün Ermənistan üçün daha ağır keçdiyini müşahidə edirik. Bu ölkədə faktiki savaş yenidən alovlanıb. 44 gün ərzində Ermənistan ordusunda döyüş meydanında müşahidə olunan hərc-mərclik və xaos hakimiyyət daxilinə də sirayət edib.
İndi Paşinyanı təslimçilikdə ittiham edənlər çıxış yolu kimi onu devirməkdə görsələr də, 44 günlük müharibədəki məğlubiyyətin məsuliyyətini də üzərlərinə götürmək istəmirlər. Bu səbəbdən Ermənistanda hələ də normal müxalifət formalaşmayıb. Özünü müxalif kimi təqdim edənlər isə hələ də konseptual strategiya ortaya qoya bilməyiblər. Yəni “Paşinyansız Ermənistan necə olacaq və necə olmalıdır” sualının cavabı yoxdur. Siyasi dairələr də yaxşı dərk edir ki, hakimiyyətə kimin gəlməyindən asılı olmayaraq, mövcud vəziyyət Ermənistanın xilası üçün bəlkə də son şansdır və bu şansı maksimum şəkildə dəyərləndirmək lazımdır.
Cəmiyyətdə də siyasi proseslərə yanaşma fərqlidir. Əslində, hər kəs bu böyük məğlubiyyətdən sonra Paşinyanın dərhal istefaya gedəcəyini və ya belə hərəkət etməyə məcbur olacağını güman edirdi. Amma bu, baş vermədi. Hiss olunur ki, erməni cəmiyyətinin böyük əksəriyyəti Paşinyanın devrilməsindən daha çox Azərbaycanın öz ərazi bütövlüyünü bərpa etməsi, “status-kvo”nu dəyişməsi ilə bölgədə yaratdığı reallıqdan səmərəli istifadə olunmasının tərəfdarıdır. Çünki sadə ermənilər, Qarabağ kartından istifadə edərək, 30 ilə yaxın müddətdə erməni xalqını səfalət içində saxlayan rejimdənsə, məğlub baş nazirin hakimiyyətdə qalmasına üstünlük verirlər. Son günlər keçirilən etiraz mitinqlərində revanşistlərin Paşinyanın tərəfdarlarına uduzması da bunun bariz göstəricisidir. Digər tərəfdən, erməni ordusunun müharibədə xeyli sayda itki verməsi cəmiyyətdə müharibə xofu yaradıb. Bu səbəbdən fərarilik halları azalmır, əksinə artır. Ermənistan XİN rəsmilərinin ordunun müasirləşdirilməsi ilə bağlı revanşizmə hesablanan bəyanatları da bu xofu azaltmır. Erməni məbuatının icmalından, sosial şəbəkələrin erməni seqmentindəki müşahidələrdən də bu qənaətə gəlmək olur ki, cəmiyyətin əksəriyyəti Qarabağ uğrunda savaşı özgə torpağı uğrunda savaş kimi qiymətləndirir. Silahlı qüvvələrlə baş nazir arasında müşahidə olunan gərginlik də məsələyə təsir edən amillərdəndir. Hazırkı ordu, zəif idarəçiliyə malik hökumət, bədbin və xof xarakterli əhvali-ruhiyyə ilə yenidən hərbi əməliyyatlara başlamaq Ermənistan üçün arzuolunan deyil. Yəni cəmiyyətin böyük hissəsi mövcud reallıqla hesablaşır. Mövcud reallıq isə təbii ki, bütün bölgə dövlətləri, o cümlədən də Ermənistan üçün yaranan yeni imkanlardır.
Prezident İlham Əliyevin yerli və xarici KİV-in nümayəndələri üçün keçirdiyi mətbuat konfransında da söylədiyi kimi, yeni dövr başlayır. Azərbaycan bütün addımlarını düzgün və düşünülmüş şəkildə atdığından postmüharibə dövrü bizdə çox rahat keçir. “Bu da cəmiyyətimizin çox böyük üstünlüyü, xalqımızın böyüklüyüdür və bu gün məhz bu ideyalar uğrunda biz yenidən birləşirik. Yeni ideyalar uğrunda - Qarabağı necə bərpa edək, keçmiş köçkünləri torpaqlara necə qaytaraq. Bundan sonra elə bir qüdrətli dövlət yaradaq ki, heç kim heç vaxt bizə qarşı heç bir təxribat törədə bilməsin”.
Təxribat törətmək istəyənlər üçün isə təbii ki, dəmir yumruq işə düşəcək. Rəsmi Bakı dəfələrlə bəyan edib - Vətən müharibəsində olduğu kimi, Azərbaycan beynəlxalq sərhədləri çərçivəsində də suverenliyi və ərazi bütövlüyünün təminatçısı kimi bu sahədə meydana gələ biləcək istənilən təhdidin qətiyyətlə qarşısını alacaq. Bu mənada Ermənistan aqressiv ritorikadan əl çəkərək, münaqişə sonrası mərhələdə bölgədə təhlükəsizlik və əmin-amanlığa nail olunması üçün quruculuq və əməkdaşlıq perspektivlərinə fokuslanmalıdır.
Könül NURULLAYEVA,
Milli Məclisin deputatı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!