29 Sentyabr 2014 09:09
414
Elm və texnika
A- A+

“Elm haqqında” qanun layihəsi Milli Məclisin payız sessiyasında müzakirəyə çıxarılacaq

Sentyabrın 29-da Milli Məclisin elm və təhsil komitəsinin iclası keçirilib.

AzərTAc xəbər verir ki, əvvəlcə komitə sədri Şəmsəddin Hacıyev gündəlikdə duran məsələlər haqqında məlumat verib.
Sonra o, 2014-cü ilin yaz sessiyası ərzində komitədə görülən işlər barədə danışıb. Bildirilib ki, ötən dövrdə komitədə qarşıya qoyulan bütün işlər əsasən yerinə yetirilib. Yaz sessiyası dövründə komitənin üç iclası keçirilib.
Qeyd edilib ki, ötən dövrdə komitəyə 90-dan çox ərizə daxil olub. Həmçinin komitə tərəfindən 50-dən çox struktura məktubla müraciət olunub.
Sonra Ş.Hacıyev gündəlikdə duran digər məsələ - “Elm haqqında” qanun layihəsinin hazırlanmasının gedişatı barədə məlumat verib. Bildirilib ki, yaz sessiyası dövründə qanun layihəsinin hazırlanması ilə bağlı işçi qrupunun bir neçə dəfə iclası keçirilib, müvafiq strukturlarla müzakirələr aparılıb, tövsiyə və təkliflər nəzərə alınıb. Demək olar ki, qanun layihəsinin hazırlanması tam başa çatıb.
Sədr Azərbaycanın qanunvericilik təcrübəsində ilk dəfədir ki, “Elm haqqında” qanun hazırlandığını diqqətə çatdırıb. Yeni qanunun əsas məqsədi elm və elmi fəaliyyət sahəsində baş verən bütün proseslərin hüquqi əsasını, bazasını yaratmaqdır. Qanun elmi fəaliyyət üçün tamamilə liberal bir sistemin formalaşmasına imkan verəcək.
Diqqətə çatdırılıb ki, “Elm haqqında” qanun layihəsi payız sessiyası dövründə müzakirəyə çıxarılacaq.
Çıxış edən komitə üzvləri ötən dövr ərzində qurumun işini yüksək qiymətləndiriblər. Qeyd ediblər ki, bu gün Azərbaycanda elmin inkişafına xüsusi diqqət yetirilir, bununla bağlı xüsusi Dövlət Proqramı qəbul olunub. Bu baxımdan payız sessiyası dövründə “Elm haqqında” qanunun müzakirəyə çıxarılması çox önəmlidir.
İclasda komitənin 2014-cü ilin payız sessiyası üçün iş planı da müzakirə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video