02 Mart 2021 17:00
701
İQTİSADİYYAT
A- A+

Dünyada ən iri maliyyə saytlarından birində Azərbaycanın Qarabağı bərpa etmək planlarından söhbət açılıb

 

Dünyada maliyyə sahəsinə aid ən iri xəbər resursları üçlüyünə daxil olan “İnvesting.com” maliyyə platformasında Azərbaycan Prezidenti İlham Əliyevin yerli və xarici KİV nümayəndələri üçün mətbuat konfransı barədə “Röyter” agentliyinin məlumatı dərc edilib.

AZƏRTAC xəbər verir ki, materialda Prezident İlham Əliyevə istinadla Azərbaycanın Qarabağda üç hava limanı tikməyi planlaşdırılması qeyd edilir. Həmin aeroportlardan biri bu ilin payızında hazır olacaq. Azərbaycan cari ildə bu regiona 2,2 milyard manat sərmayə qoymaq niyyətindədir.

Azərbaycan Prezidentinin sözlərinə görə, Füzulidəki aeroportun tikintisi artıq başlanıb. Laçında və Zəngilanda daha iki hava limanı tikilməsi planlaşdırılır. Onlar hamısı beynəlxalq aeroportlar olacaq və həm əcnəbilərin, həm də yerli əhalinin Şuşa şəhərinə rahat getməsinə imkan yaradacaq.

Prezident İlham Əliyev deyib: “Tikintinin müddətini qabaqcadan demək çətindir. Ərazilərin minalardan təmizlənməsi ilə bağlı işlər müəyyən çətinliklər yaradır, lakin ümid edirik ki, Füzulidəki aeroport bu il payızın əvvəlində hazır olacaq”.

Saytın oxucularına azərbaycanlı qaçqınların regiona qayıtması planları barədə də söhbət açılır. İlham Əliyev deyib: “Konkret müddətlərin adını çəkmək istəmirəm, hərçənd məndə bu haqda məlumat var. Biz qaçqınları mərhələli şəkildə və maksimum qısa müddətdə qaytaracağıq. Azərbaycanlı əhali hazırda sülhməramlı qüvvələrin nəzarəti altında olan ərazilərə də qayıdacaq”.

Materialda qeyd edilir ki, Prezident İlham Əliyev Azərbaycanda Türkiyənin hərbi bazasının yaradılması məsələsinə də aydınlıq gətirib. O deyib ki, Bakı Türkiyədən silah alsa da, bu məsələ gündəlikdə deyil.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video