06:51 17 Oktyabr 2021
ONLINE XƏBƏR LENTİ
00:24 17.10.2021

17-18 oktyabr


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Dövlət Agentliyinin nümayəndə heyəti ICESCO-nun Baş direktoru ilə görüşüb
 
ANA SƏHİFƏ / CƏMİYYƏT
16:35 23.09.2021

Mərakeş Krallığına işgüzar səfər çərçivəsində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti İslam Dünyası Elm, Təhsil və Mədəniyyət Təşkilatının (ICESCO) Baş direktoru Salim bin Məhəmməd əl-Malik ilə görüşüb.

Dövlət Agentliyinin İctimaiyyətlə əlaqələr şöbəsindən AZƏRTAC-a verilən xəbərə görə, görüş çərçivəsində “ASAN xidmət”, həmçinin Dövlət Agentliyi tərəfindən elektron hökumət və sosial innovasiyalar sahəsində görülən işlər barədə geniş təqdimat edilib.

ICESCO-nun Baş direktoru Dövlət Agentliyi tərəfindən müvafiq istiqamətlər üzrə həyata keçirilən fəaliyyətləri yüksək qiymətləndirib. Dövlət xidmətlərinin göstərilməsi sahəsində ölkəmizin qabaqcıl təcrübəsinin və burada tətbiq olunan müasir həllərin ICESCO-ya üzv ölkələrdə də bölüşülməsinin zəruri olduğu vurğulanıb.

Dövlət Agentliyi ilə ICESCO arasında imzalanmış Anlaşma Memorandumunun icrası çərçivəsində həyata keçirilən işlər və planlaşdırılan layihələr barədə müzakirələr aparılıb. Xidmətlərin göstərilməsi sahəsində sosial innovasiyaların və ağıllı həllərin tətbiqi, eləcə də birgə startup və akselerasiya proqramlarının həyata keçirilməsi ilə əlaqədar razılığa gəlinib.

Bundan əlavə “Xidmətdə Mükəmməlik üzrə ASAN ICESCO mükafatı”na dair müsabiqənin təşkili şərtləri ilə əlaqədar məsələlərə dair müzakirələr aparılıb.

Səfər proqramı ərzində Dövlət Agentliyinin nümayəndə heyəti İslam Əməkdaşlıq Təşkilatının tərkibində ticarətin və investisiyaların təşviqi üzrə köməkçi orqan kimi fəaliyyət göstərən Ticarətin İnkişafı üzrə İslam Mərkəzinin nümayəndələri ilə görüşüb. Görüş zamanı Dövlət Agentliyinin fəaliyyət istiqamətləri çərçivəsində mümkün əməkdaşlıq perspektivləri barədə müzakirələr həyata keçirilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM