23:16 01 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Donald Tramp 73 nəfəri əfv edib
ANA SƏHİFƏ / DÜNYA
12:47 20.01.2021

 

ABŞ-ın hazırkı Prezidenti bu gün 73 nəfərin əfv olunması barədə qərar qəbul edib.

AZƏRTAC xəbər verir ki, bu barədə Ağ evin mətbuat xidməti məlumat yayıb. Məlumata görə, prezident daha 70 nəfərin cəzasını yumşaltmağı qərara alıb.

Əfv olunanlar arasında prezidentin sabiq köməkçisi Stiven Bennon, Google kompaniyasının sabiq mühəndisi Entoni Levandovski, reperlər Lil Ueyn və Kodak Blek, amerikalı sahibkar Elliott Broydi, Respublikaçılar partiyasının məsləhətçisi Pol Erikson və digər tanınmış simalar var.

Donald Trampın özünü və ailə üzvlərini əfv etmək fikrindən daşınıb. Siyahıda Milli Təhlükəsizlik Agentliyinin sabiq əməkdaşı Edvard Snoudenin və WikiLeaks təşkilatının qurucusu Culian Assanjın adları yoxdur. Prezident şəxsi vəkili Rudolf Culianini də əfv etməyib.

Trampın prezident postunu tərk etməsinə saatlar qalır. Bu gün günorta (Bakı vaxtı ilə saat 21:00) Kapitoli pilləkənləri önündə ABŞ-ın yeni seçilmiş Prezidenti Cozef Baydenin inauqurasiya mərasimi olacaq. Mərasim ərəfəsində Vaşinqtonda gücləndirilmiş təhlükəsizlik tədbirləri görülüb. Şəhərin mərkəzi hissəsi, Ağ ev və Konqresin yaxınlığındakı yollar nəqliyyatın hərəkəti üçün bağlanıb. Bir neçə gündür polisin əhatəyə aldığı Kapitoli yaxınlığına ictimaiyyət nümayəndələri buraxılmır.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM