30 Sentyabr 2011 07:09
669
Təhsil
A- A+

Diplomatik akademiyaların rektorlarının Dünya Forumunun növbəti illik toplantısı Bakıda keçiriləcək

 

Sentyabrın 25-dən 28-dək ABŞ-ın nüfuzlu Tafts Universitetinin Fletçer Hüquq və Diplomatiya Məktəbində diplomatik akademiyalar və beynəlxalq münasibətlər üzrə ixtisaslaşan universitetlərin və ali məktəblərin ənənəvi illik Beynəlxalq Forumu keçirilmişdir. Beynəlxalq Forumda dünyanın 100-dən artıq diplomatik akademiyasının və beynəlxalq münasibətlər üzrə ixtisaslaşan universitetlərin rektor və dekanları iştirak etmişlər.

Forumda diplomatik treninqdə regional əməkdaşlıq, beynəlxalq biznes və keçid dövrünün diplomatiyaları, ətraf mühit problemlərinin həllində diplomatiyanın rolu, BMT-də çoxtərəfli diplomatiya və digər məsələlər müzakirə olunmuşdur.

Tədbirdə xarici işlər nazirinin müavini, Azərbaycan Diplomatik Akademiyasının (ADA) rektoru Hafiz Paşayev də iştirak etmişdir.

Forumun sonuncu günündə H.Paşayev ADA-nın inkişaf yolu və əldə edilmiş uğurlar barədə iştirakçılara ətraflı məlumat vermiş, akademiyanın tikilməkdə olan yeni binası - müasir təhsil kompleksinin gələn il hazır olacağını bildirmişdir. Rektor 2012-ci ilin forumunun Azərbaycanda keçirilməsini təklif etmişdir. H.Paşayev vurğulamışdır ki, Azərbaycan hökuməti tərəfindən təhsilin inkişafına xüsusi diqqət göstərilməsi ADA-nın timsalında beynəlxalq ictimaiyyətə daha qabarıq şəkildə çatdırıla bilər. Diplomatik akademiyaların və beynəlxalq münasibətlər üzrə ixtisaslaşan universitetlərin rektorlarının növbəti illik forumunun Bakıda keçirilməsinə yekdilliklə dəstək verilmişdir.

Xatırladaq ki, Diplomatik Treninq üzrə Beynəlxalq Forum 1972-ci ildən keçirilir. ADA yarandığı 2006-cı ildən bu forumda iştirak edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video