13 Avqust 2021 23:04
949
SİYASƏT
A- A+

Diasporla İş üzrə Dövlət Komitəsinin sədri İsraildə yaşayan soydaşımızla görüşüb

 

Diasporla İş üzrə Dövlət Komitəsinin sədri Fuad Muradov İsraildə yaşayan soydaşımız Şakir Əhmədovla görüşüb.

Komitədən AZƏRTAC-a bildiriblər ki, görüş zamanı İsraildə Azərbaycan icmasının fəaliyyəti, İkinci Qarabağ müharibəsi dövründə Azərbaycan diasporunun göstərdiyi birlik və həmrəylik, İsrail və Azərbaycan, o cümlədən iki xalq arasındakı dostluq münasibətləri, diasporun mövcud problemləri və gələcək fəaliyyət perspektivləri müzakirə olunub.

Diasporla İş üzrə Dövlət Komitəsinin sədri Fuad Muradov Şakir Əhmədova Azərbaycan həqiqətlərinin dünyaya çatdırılması və 2020-ci ildə diaspor quruculuğu sahəsində fəallığına görə təşəkkürnamə təqdim edib.

Qeyd edək ki, Şakir Əhmədov 1996-cı ildən İsraildə yaşayır və xeyriyyəçiliklə məşğul olur, mütəmadi olaraq həmvətənlərimizə dəstək göstərir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video