“Deyəsən, torbada pişik var”
Yaxud dövlətin dəstəyi sayəsində fəaliyyət göstərən özəl müəssisələr jurnalistlərdən niyə qaçır?
Ölkəmizdə qeyri-neft sektorunun inkişafı, o cümlədən əhalinin bol, ekoloji cəhətdən təmiz ərzaq məhsulları ilə təmin edilməsi, yeni iş yerlərinin yaradılması və digər istiqamətlərdə genişmiqyaslı işlər görülür. Həmin işlərin icrası üçün ən müxtəlif qeyri-neft sahələrinə investisiyalar qoyulur, sahibkarlara güzəştli kreditlər verilir, onların istehsal etdikləri məhsullar təşviq edilir.
Təəssüf ki, həmin vəsaitlərlə inşa olunan bəzi müəssisələrin, obyektlərin tikintisi illərlə uzadıldığından onlar yalnız gözdağına bənzəyir. Məsələn, Bakının Qaradağ rayonu ərazisində - Xəzər dənizindəki “göydələnlər” kompleksi və ya Salyan şəhərindəki Şəkər yemi zavodu kimi. Tikilən obyektlərin bəziləri isə perspektivi, gələcəkdə hansı səmərəni verəcəyi nəzərə alınmadığından ya istehsal gücündən qat-qat aşağı işləyir, ya da heç işləmir. Amma biz bu dəfə belələri haqqında yox, işləyən müəssisələr barədə söhbət açacağıq.
Hacıqabul Quşçuluq fabriki Azərbaycanın bu sahə üzrə iri müəssisələrindən biridir. O, sovetlər birliyi zamanında fəaliyyət göstərmiş fabrikin bazasında yaradılmışdır. İnsafən demək lazımdır ki, ötən illər ərzində burada çox işlər görülmüş, fabrik sənaye təməli əsasında yenidən qurulmuşdur. Təsərrüfatın yem bazası üçün əkin sahələri də var. Fabrikdə çox sayda işçi çalışır və onlara müəyyən qədər qayğıkeşlik göstərilir. Belə ki, müəssisədə çalışanlar işə xüsusi avtobuslarla aparılıb-gətirilir, fabrikdə pulsuz nahar edirlər. Bütün bunların nəticəsidir ki, rayonda keçən il istehsal olunan 199 milyon ədəd yumurtanın və 1819 ton quş ətinin çoxu bu müəssisənin payına düşmüşdür. Ümumiyyətlə, müəssisənin iqtisadi göstəriciləri qənaətbəxşdir.
Elə buna görə də fabrikin fəaliyyəti barədə bir neçə dəfə yazmaq istəmişik. Gəl ki, müəssisənin rəhbərliyi hər dəfə bir bəhanə ilə yaxasını kənara çəkib. Sözü də bu olub ki, fabrikdə deyillər. Amma eşitmişik ki, fabrikin qeyri-rəsmi investoru keçmiş yüksək çinli məmurlardan biridir. Ona görə də müəssisənin fəaliyyəti ilə maraqlanmağa heç kim cürət etmir. Rayon icra hakimiyyətində isə deyirlər ki, xüsusi mülkiyyət olduğundan onlara heç bir söz deməyə səlahiyyətləri yoxdur.
Aqroparklar ölkədə yaradılan yeni, müasir kənd təsərrüfatı müəssisələridir. Müəssisə ona görə deyirik ki, həmin təsərrüfatlarda işlər demək olar ki, sənaye üsulu ilə təşkil edilir. Onların hər biri kifayət qədər torpaq sahəsi, əkin suyu ilə təmin olunurlar. İşıq, yol problemləri də yoxdur. Yeri gəlmişkən qeyd edək ki, bu gün Azərbaycanda 40-dan çox aqropark fəaliyyət göstərir. Bir müddət öncə onlardan biri - Cəlilabad rayonu ərazisində yerləşən Günəşli Aqroparkı (“Günəşli-Aqro” MMC) haqqında məqalə hazırlamaq istədik. Məlumatımız var idi ki, MMC-yə xarici ölkələrdən çox sayda məhsuldar cins inəklər alınıb gətirilmişdir. Bundan əlavə, magistral şose yolunun kənarında yerləşən aqroparkın görünən tövlələri, ot tayaları, müxtəlif adda texnikaları, suvarma qurğuları və s. təsərrüfatın ət və süd məhsulları istehsalında sanballı çəkiyə malik olması barədə müəyyən təsəvvür yaradırdı. Necə deyərlər, aqropark ölkənin aqrar sektorunda görülən işləri göstərmək üçün axtardığımız obyekt idi.
Təsərrüfatın giriş qapısındakı gözətçi daxili telefonla idarənin məsul işçisinə gəlişimiz barədə məlumat verdi. Onun isə cavabı belə oldu: “Mən özbaşına bu işə icazə verə bilmərəm, gərək Bakıdakı ümumi rəhbərlə danışıb ondan razılıq alam”.
İki saata yaxın gözləməli olduq. Gözətçidən bir də zəng edib nəticəsini öyrənməyi xahiş etdik. Məsul şəxslə özüm danışmaq istədiyimi bildirdim. Telefonun o biri başından “İcazə verilmir” cavabı gəldi. Rayon icra hakimiyyətinin, rayon dövlət aqrar inkişaf mərkəzinin məsul işçilərinin də kömək etmək cəhdləri nəticəsiz qaldı.
Rayonlarda yaradılan sənaye məhəllələri yerli potensial və imkanlar nəzərə alınmaqla həm daxili tələbatın ödənilməsinə, həm də yeni iş yerlərinin yaradılmasına hesablanmışdır. Məsələn, Neftçaladakı Sənaye Məhəlləsində istehsal olunan balıq yemi sexi rayondakı balıqçılıq təsərrüfatlarının və balıq yetişdirməklə məşğul olan fermerlərin əməlli-başlı karına gəlir. Əhali də yeri gələndə bundan razılıq edir.
Amma bu müəssisənin də fəaliyyəti barədə yazı hazırlamaq istəyimiz düyünə düşdü. Burada da “mərkəzin razılığı olmadan icazə verə bilmərik” dedilər. Biz ümidsiz olsaq da, mərkəzə bu barədə məlumat verilməsini xahiş etdikdə isə “razı deyil” cavabı gəldi.
Bəli, jurnalistin işi indi belədir. Fikirləşirsən ki, dövlət başçısı mühüm məsələlərin həlli üçün çalışır, müvafiq sərəncamlar imzalayır və onların icrası üçün nə lazımdırsa edir. Belə bir siyasət təbliğ olunmalı, KİV vasitəsilə əhali bunlardan xəbər tutmalıdır. Yaxşı işin təbliğinin nəyi pisdir ki? Yox, əgər qeyd etdiyimiz müəssisələrdəki kimi, kim isə bunu istəmirsə və istəməmək nədir, hətta hər cəhdlə bunun qarşısını alırsa, deməli, ən azından “torbada pişik var”.
Amma inanın, jurnalist olaraq bizim məqsədimiz həmin “pişiyi tapmaq” yox (bu, müvafiq dövlət orqanlarının işidir), dövlətin dəstəyi sayəsində ərsəyə gələnləri xalqa çatdırmaqdır.
Seyran CAVADOV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!