08 Aprel 2021 21:20
530
SİYASƏT
A- A+

Ceyhun Bayramov: İƏT Ermənistan-Azərbaycan münaqişəsi zamanı ölkəmizin haqlı mövqeyini daim dəstəkləyib

 

İslam Əməkdaşlıq Təşkilatı Ermənistan-Azərbaycan Dağlıq Qarabağ münaqişəsi zamanı ölkəmizin haqlı mövqeyini daim dəstəkləyib. Təşkilatın bu məsələ ilə bağlı mövqeyi bütün platformalarda səsləndirilib. Bu mövqe 44 günlük Vətən müharibəsi dövründə də dəyişmədi.

AZƏRTAC xəbər verir ki, bu sözləri Azərbaycanın xarici işlər naziri Ceyhun Bayramov İslam Əməkdaşlıq Təşkilatının Baş katibi Yusif bin Əhməd əl-Osayminlə aprelin 8-də keçirilən görüşdən sonra keçirilən mətbuat konfransında deyib.

Nazir qeyd edib ki, Azərbaycandakı səfirlər vəziyyətlə yerində tanış olublar, işğaldan azad edilən bölgələrə səfər ediblər. Onlar Ermənistanın dinc xalqımıza qarşı hərbi təcavüzü ilə yaxından tanış olublar.

“Üçtərəfli Bəyanatın imzalanmasından sonra yaranmış vəziyyət sayəsində yeni təhlükəsizlik formatı və inkişafın əsasını təşkil edən şərait formalaşıb. Keçmiş məcburi köçkünlərin doğma torpaqlarına qayıtması və işğaldan azad edilən ərazilərin yenidən qurulması istiqamətində işlər görülür. Təəssüf ki, qarşı tərəfdən bir sıra qeyri-konstruktiv addımların şahidi oluruq. Otuz il ərzində Ermənistan işğal etdiyi əraziləri minalayaraq istifadəsiz hala gətirib və bu ərazilərin xəritəsini Azərbaycana vermək istəmir. Bütün aidiyyəti qurumlara bu barədə sənədlər, hesabatlar təqdim edilib. Son günlər ərzində vətəndaş cəmiyyətinin üzvləri tərəfindən də bununla bağlı petisiya hazırlanır. Bu baxımdan, dost dövlətləri Azərbaycana dəstəkləməyə çağırırıq”, - deyə Ceyhun Bayramov bildirib.

Nazir qeyd edib ki, Ermənistan Xarici İşlər Nazirliyinin qeyri-adekvat açıqlamaları qarşı tərəfin reallığı düzgün qiymətləndirməməsindən irəli gəlir. Əgər Azərbaycana qarşı hər hansı təhdid olarsa, ona hüquq çərçivəsində lazımi cavab veriləcək.

İslam Gənclər Forumunun yaradılmasının bilavasitə Azərbaycanın təşəbbüsü ilə reallaşdığını qeyd edən C.Bayramov bildirib: “Azərbaycan Prezidentinin müvafiq Sərəncamına əsasən, İslam ölkələrindən olan tələbələr üçün xüsusi təqaüd proqramı hazırlanıb. İƏT-Azərbaycan münasibətləri uğurla inkişaf edir. Bu əlaqələrin davamlı surətdə inkişaf edəcəyinə inanırıq”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video