18:35 20 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Cənubi Koreyanın Cecu adasının sakinləri Xocalı soyqırımına dair məlumatlandırılıblar
 
ANA SƏHİFƏ / SİYASƏT
17:46 25.02.2021

 

“Xocalıya ədalət!” kampaniyası çərçivəsində “BUTA” Azərbaycan-Koreya Dostluq Assosiasiyasının təşkilatçılığı və Koreyada yaşayan Azərbaycan icmasının nümayəndələrinin iştirakı ilə Koreya Respublikasının Cecu adasında 1948-1949-cu illərdə baş vermiş “Cecu qiyamı”na həsr olunan “Neobeunsungi 4.3” xatirə zalında və “Cecu qiyamı” abidəsinin yerləşdiyi ərazidə məlumatlandırma aksiyası keçirilib.

Azərbaycanın Koreya Respublikasındakı səfirliyindən AZƏRTAC-a bildiriblər ki, Cecu sakinlərinə Xocalı soyqırımı haqqında məlumat xarakterli bukletlər paylanılıb. Həmvətənlərimiz koreyalılara 1992-ci il fevralın 25-dən 26-na keçən gecə erməni silahlılarının törətdikləri vəhşiliklər haqqında ətraflı məlumat əldə etmək üçün Koreya dilində fəaliyyət göstərən www.khojaly.or.kr internet səhifəsinə daxil olmağı təklif ediblər.

Aksiya iştirakçıları Xocalı soyqırımı haqqında Koreya dilində hazırlanan “Xocalı soyqırımı” və “Unudulmuş soyqırımı” kitabçalarını “Neobeunsungi 4.3” xatirə zalının fonduna təqdim ediblər. Xatirə zalının rəhbərliyi bu kitabçaların ziyarətçilərə əlçatan bir yerdə nümayiş olunacağını bildirib.

Qeyd edək ki, bu, Cecu adasında Xocalı soyqırımı ilə bağlı ilk tədbirdir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM