16:59 30 Iyul 2021
ONLINE XƏBƏR LENTİ
11:39 30.07.2021 Şuşanın dağları
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Cenevrədə Cozef Bayden və Vladimir Putinin görüşü keçirilir
ANA SƏHİFƏ / DÜNYA
17:13 16.06.2021

 

Cenevrənin “La Grange” villasında ABŞ Prezidenti Cozef Bayden və Rusiya lideri Vladimir Putin arasında ilk sammit keçirilir.

AZƏRTAC xəbər verir ki, prezidentlərin görüşü villanın birinci mərtəbəsindəki kitabxana zalında dar çərçivədə başlayıb. Sammitdən öncə ABŞ və Rusiya liderləri binanın eyvanında İsveçrə Prezidenti Gi Parmelinlə şəkil çəkdirib.

Bir müddət öncə danışıqların üç hissədən - çay və qəhvə fasilələri ilə biri dar, digər ikisi isə geniş formatdan ibarət olacağı barədə məlumat yayılıb. Görüşdə, həmçinin ABŞ-ın Dövlət katibi Entoni Blinken və Rusiya Xarici İşlər naziri Sergey Lavrov da iştirak edəcək.

Cozef Bayden və Vladimir Putin strateji sabitlik, COVID-19 infeksiyası ilə mübarizə, kiber cinayətkarlığa qarşı mübarizədə əməkdaşlıq, həmçinin Yaxın Şərq, Ukrayna və Qarabağda vəziyyət daxil olmaqla regional problemlər barədə danışacaqlar.

Sammitdən sonra birgə mətbuat konfransı nəzərdə tutulmayıb. Dövlət başçılarınin jurnalistlər qarşısında təklikdə çıxış edəcəyi gözlənilir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM