06:25 20 Sentyabr 2021
ONLINE XƏBƏR LENTİ
00:57 19.09.2021

Saxta erməni iddiaları


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Bursa Böyükşəhər bələdiyyəsinin sədri: Yanğınlarla mübarizədə Azərbaycanın Türkiyəyə göstərdiyi yardım əsl qardaşlıq nümunəsidir
ANA SƏHİFƏ / SİYASƏT
22:05 30.07.2021

 

Türkiyədə bir sıra özünəməxsusluqları ilə seçilən bölgələrdən biri də Bursa vilayətidir. Özünü təmin etmək gücündə olan bölgə kimi Türkiyədə birinci, dünyada 28-ci yerdə olan Bursa turizm, kənd təsərrüfatı, mədənçilik kimi mühüm sahələrdə böyük imkanlara malikdir. Bursanın Azərbaycan üçün xüsusi dəyərlərindən biri isə bu bölgədə bitib-tükənməyən Azərbaycan sevdasıdır.

Bursa Böyükşəhər bələdiyyəsinin sədri Alinur Aktaş bu mövzular barədə fikir və düşüncələrini AZƏRTAC-la bölüşüb.

Bursada hər bir Azərbaycan vətəndaşını salamlamaqdan qürur duyduqlarını bildirən Alinur Aktaş Bursada dahi Nizami Gəncəviyə həsr olunan konfrans barədə danışaraq deyib: “Nizami Gəncəvi dünya ədəbi irsinə böyük töhfələri ilə əbədiyyət qazanıb. “Türk dünyasının bütün dahiləri, eləcə də Nizami Gəncəvi irsini tanıtmaq, təbliğ etmək və ürəklərdə yaşatmaq mənəvi borcumuzdur. Prezident İlham Əliyevin Sərəncamı ilə Azərbaycanda 2021-ci ilin “Nizami Gəncəvi İli” elan edilməsi bu sahədə böyük işlərə təkan verdi. Hesab edirəm ki, Nizami Gəncəvinin adını beynəlxalq aləmdə tanıtmaq üçün bu cür konfransları ənənəvi hala gətirmək haqqında fikirləşəcəyik”.

Azərbaycanın 44 günlük Vətən müharibəsi nəticəsində torpaqlarını işğaldan azad etməsi ilə qürur və iftixar duyduğunu söyləyən bələdiyyə sədri bildirib: Bu Zəfərin həsrətini böyük sıxıntılar içində uzun illər gözlədik. Şükürlər olsun ki, Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusu bu şərəfli tarixi yaşamağı bizlərə nəsib etdi. Başda Prezident Rəcəb Tayyib Ərdoğan olmaqla, bütün Türkiyə hər zaman olduğu kimi, bu şərəf mübarizəsində də Azərbaycanla birlikdə oldu. Can Azərbaycana bağlı hər bir xoş səda qəlbimizin istəyi, gündəlik arzu və duamızdır. Çanaqqala zəfəri və Qafqaz İslam Ordusunun Bakını azad etməsi ilə bağlı tarixi missiyası bizim üçün nədirsə, Qarabağ qalibiyyəti də eyni əhəmiyyətə malikdir. Bursadakı “Romatem” reabilitasiya mərkəzində müalicə olunan qazilərimiz var. Onlara hər bir dəstəyi göstərmək mənəvi borcumuzdur. Qarabağ Zəfəri ilə tarixi qələbələrimizə əlavə güc verən şəhid və qazilərimizə ehtiramımız sonsuzdur.

Hazırda Azərbaycanın işğaldan azad olunan ərazilərində böyük quruculuq işlərinin aparılmasına, o cümlədən hava limanlarının, yolların, elektrik stansiyalarının tikilməsinə, “ağıllı kənd”lərin qurulmasına münasibət bildirən Alinur Aktaş qeyd edib ki, Qarabağ bölgəsi ilə Bursanın iqlimində və coğrafiyasında, hətta təbii qaynaqlarında belə böyük oxşarlıqlar var. Bursa cümhuriyyət tariximizdə böyük inkişaf yolu keçərək hazırkı mərhələyə yüksəlib. Bir sıra məsələlərdə, o cümlədən turizm və mədənçilik sahələrində, eləcə də qış turizminin qurulmasında təcrübəmizi bölüşməkdən məmnunluq duyarıq. Ən böyük arzularımdan biri tarixi Şuşa qalasını ziyarət etməkdir. Təəssüf ki, erməni vandalizmi otuz illik işğal dövründə əsarətdə saxladığı ərazilərdə hər şeyi, hətta təbiəti də məhv edib. Bununla bağlı videolar ürəkləri dağlayır. Lakin əminəm ki, Azərbaycan bütün imkanları ilə ən qısa zamanda böyük qayıdışı təmin edəcək.

Azərbaycan-Türkiyə qardaşlıq münasibətlərinin bütün dünya üçün örnək olduğunu deyən bələdiyyə sədri diqqətə çatdırıb ki, dostluq və əməkdaşlıq, həyata keçirilən beynəlxalq layihələr böyük bir coğrafiyaya sülh, əmin-amanlıq, inkişaf, tərəqqi və rifah vəd edir. “İftixarla deyə bilərik ki, ümummilli lider Heydər Əliyevin ifadə etdiyi “Bir millət, iki dövlət!”, böyük Atatürkün “Azərbaycanın sevinci sevincimiz, kədəri kədərimizdir” ifadələri həyat reallığıdır. Əminəm ki, Qarabağ zəfərinin ardınca bölgədə nəqliyyat kommunikasıyaları eyni vaxtda açılacaq və bu, türk dünyasının bütün sahələrdə birliyinin daha da möhkəmlənməsinə təkan verəcək. Bursa ictimaiyyəti olaraq bundan sonra da hər zaman Can Azərbaycanın yanındayıq”, - deyə A. Aktaş vurğulayıb.

Meşə yanğınları ilə mübarizə və fəlakətin fəsadlarının aradan qaldırılması üçün Azərbaycanın Türkiyəyə yardım göndərəcəyini bildirən bələdiyyə sədri qardaşlıq dəstəyinə görə Azərbaycana təşəkkür edib. O deyib: “Qoy Azərbaycan-Türkiyə qardaşlığı və birliyi əbədi olsun!”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM