Bugünümüzün və sabahımızın ən layiqli təminatçısı
Azərbaycan dövləti və xalqı demokratiya yolu ilə inamla irəlilədiyini 2018-ci ilin prezident seçkiləri ilə bir daha bütün dünyaya nümayiş etdirdi. Bu gün keçirilməsinin 3-cü ili tamam olan həmin seçki bütün parametrləri ilə Azərbaycanın siyasi tarixinə şəffaf, ədalətli və azad seçkilər kimi düşdü və xalqımız özünün növbəti tarixi və ən doğru seçimini edərək cənab İlham Əliyevlə davama səs verdi.
Yeni Azərbaycan Partiyasının 2018-ci ilin fevral ayında keçirilən qurultayında Prezident İlham Əliyevin növbəti müddət üçün prezidentliyə namizədliyinin irəli sürülməsi tək partiyamızın deyil, cəmiyyətin bütün təbəqələrinin ürəyindən xəbər verdi. Seçki kampaniyası ərəfəsində cərəyan edən proseslər də təsdiq edirdi ki, xalqımızın seçkiqabağı ovqatı bütünlüklə cənab İlham Əliyevin namizədliyinin dəstəklənməsi üzərində köklənib. Çünki məhz İlham Əliyevin şəxsində xalqımız Azərbaycanın müasir gücünün ifadəsini görürdü. Buna görə də aprelin 11-də keçirilən səsvermədə xalqımız birmənalı şəkildə İlham Əliyevə dəstəyini nümayiş etdirdi.
Seçkilərin nəticələri göstərdi ki, insanlar Heydər Əliyev yolunu, İlham Əliyev siyasi kursunu perspektiv inkişafın yeganə yolu olaraq qəbul edirlər. Ona görə bu seçim Azərbaycan cəmiyyətinin öz layiqli liderinə sarsılmaz inam və rəğbətinin əyani təcəssümü oldu. Eyni zamanda bu seçim təkcə İlham Əliyevin deyil, onun apardığı siyasətə qəlbən inanan ölkə vətəndaşlarının, dövlətimizin qurucusunun şərəfli adı ilə bağlı olan Yeni Azərbaycan Partiyasının qələbəsi kimi yadda qaldı.
Öncə onu qeyd edim ki, ötən 3 il respublikamızda prezident seçkilərindən sonra bir çox sahələrdə başlanan yeni və səmərəli islahatlar, quruculuq işlərinin davam etdirilməsi mühüm enerji və logistik layihələrin başa çatdırılması ilə əlamətdardır. Bütün bunlar və Prezident İlham Əliyevin yürütdüyü müstəqil və çoxşaxəli siyasət Azərbaycanın dünyadakı mövqelərini möhkəmləndirib, o cümlədən Cənubi Qafqazın aparıcı dövləti kimi rolunu artırıb.
Son bir ili isə koronavirus pandemiyası ilə mübarizə dövrü adlandıra bilərik. Çindən başlanan pandemiya ilə bütün dünya mübarizə aparır, amma heç də bütün dövlətlər bu sınaqdan uğurla çıxmağı bacarmırlar. Azərbaycan da bu sınaqla üz-üzə qalsa da, ilk gündən Prezident İlham Əliyevin qətiyyətli mövqeyi, problemi xüsusi diqqət mərkəzində saxlaması göz önündə idi. Məhz dövlət başçısının müdrik siyasəti nəticəsində ölkəmizdə vaxtında pandemiyaya qarşı səmərəli mübarizənin əsası qoyuldu. Xüsusilə qeyd edilməlidir ki, əvvəlki illərdə səhiyyə sistemində yaradılmış böyük potensial bu prosesdə mühüm rol oynayaraq İlham Əliyevin sosial siyasətinin uzaqgörənliyini təsdiq etdi. Eyni zamanda bu dövrdə yaradılan modul xəstəxanalar, respublikamıza gətirilən laboratoriyalar və bu kimi digər tədbirlər Azərbaycanda koronavirus pandemiyasının faciəvi fəsadlar verməsinin qarşısını aldı. Azərbaycanın Cənubi Qafqazda koronavirusa qarşı peyvəndlənməni ilk həyata keçirən dövlət olması da Prezident İlham Əliyevin bu məsələdə qətiyyətli siyasətinin nəticəsidir.
Cənab İlham Əliyevin prezidentlik müddətinin geridə qalan 3 ilinin ən böyük hadisəsi isə əlbəttə ki, torpaqlarımızın işğaldan azad edilməsi oldu. Xalqımızın intizarında olduğu bu tarixi reallığın müəllifi Müzəffər Ali Baş Komandan İlham Əliyevdir. Cənab İlham Əliyevin ötən 17 ildə həyata keçirdiyi kompleks inkişaf siyasəti, respublikamızın yüksəlişi torpaqlarımızın azad edilməsi üçün tarixi şəraitin formalaşmasını təmin etdi. Ötən il sentyabrın 27-dən noyabrın 10-dək davam edən Vətən müharibəsində torpaqlarımızın azad edilməsi ilə Prezident, Ali Baş Komandan İlham Əliyev həm də dövlətimiz və xalqımız üçün olduqca mühüm və tarixi vəzifəni şərəflə yerinə yetirdi.
Bu Qələbə həm də onu göstərdi ki, Prezident İlham Əliyev bugünümüzün və sabahımızın ən layiqli təminatçısıdır. Ona görə Azərbaycan xalqı öz rəhbərinin ətrafında hər zaman sıx səfərbər olacaq.
Müşfiq MƏMMƏDLİ,
Milli Məclisin deputatı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!