14:56 03 Avqust 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Bu gün Cenevrədə Cozef Bayden və Vladimir Putin arasında sammit başa çatıb
ANA SƏHİFƏ / DÜNYA
22:43 16.06.2021

 

Cenevrədə “Villa la Grange“ malikanəsində ABŞ Prezidenti Cozef Bayden və Rusiya lideri Vladimir Putin arasında ilk sammit başa çatıb.

AZƏRTAC xəbər verir ki, dövlət başçıları ilk olaraq məhdud çərçivədə yalnız xarici işlər nazirlərinin iştirakı ilə görüşüblər. Görüşün məzmunu barədə tərəflər mətbuata açıqlama verməyiblər, lakin görüşün nəzərdə tutulduğu müddətdən artıq çəkməsi media təmsilçilərinin diqqətindən qaçmayıb.

Qeyd edək ki, Cenevrə sammiti 2018-ci ilin iyul ayında Vladimir Putin və Donald Tramp arasında baş tutan Helsinki sammitindən sonra ABŞ və Rusiya dövlət başçılarının ilk görüşüdür və tərəflər arasında müzakirəyə çıxarılan mövzuların spektri geniş olub.

Prezidentlərin geniş tərkibdə görüşü isə üç saatdan artıq çəkib. Strateji sabitlik, COVID-19 infeksiyası ilə mübarizə, həmçinin Yaxın Şərq, Ukrayna və Qarabağda vəziyyət daxil olmaqla regional problemlər, qarşılıqlı olaraq səfirliklərin fəaliyyətinin tam şəkildə bərpası və səfirlərin xidmət yerlərinə geri dönməsi gündəlikdə duran mövzular arasında yer alıb. Tərəflər görüşdə ikitərəfli münasibətlərdə həll olunmamış məsələlər, informasiya təhlükəsizliyi və kibercinayətkarlığa qarşı mübarizədə əməkdaşlıq ətrafında fikir mübadiləsi aparıblar.

Sammitdən sonra dövlət başçıları ayrı-ayrılıqda mətbuat konfransı keçiriblər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM