18:19 21 Sentyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Böyrək daşı xəstəliyinə Azərbaycanın şimal bölgəsində daha çox rast gəlinir
ANA SƏHİFƏ / SƏHIYYƏ
17:36 04.08.2021

 

Böyrək xəstəliyi Azərbaycan üçün endemik xəstəlik olduğuna görə, böyrək daşına şimal və şimal-qərb regionlarında yaşayanlar arasında daha çox rast gəlinir. Şimal regionları əhalisində böyrəklərdə daş yaranma riski digər bölgələrə nisbətən daha çoxdur.

AZƏRTAC xəbər verir ki, bu barədə Səhiyyə Nazirliyinin instaqram hesabında “Böyrək daşı xəstəliyi” mövzusunda danışan Azərbaycan Tibb Universitetinin Urologiya kafedrasının doktorantı Araz İbrahimov deyib.

Həkim-uroloq bildirib ki, Şamaxı-İsmayıllı zonasında böyrək xəstəliyinə tutulma riski 2,1-2,3 faiz arasındadır: “Bu risk Şəki-Zaqatalada 0,7 faiz, Xaçmaz-Siyəzəndə isə1,7 faizdir”.

A.İbrahimovun sözlərinə görə, böyrək daşı xəstəliklərinə daha çox qadınlar arasında rast gəlinir: “Böyrəklərindən şikayət edən hər 100 xəstədən 13-ü böyrək daşı xəstəliyindən əziyyət çəkir. Böyrək daşının bir ay müddətində maksimum 1 santimetrə qədər ərimək ehtimalı var. Böyrək daşı əriyən və qismən sağlamlığına qovuşan xəstələrin yarısının böyrəklərində daş növbəti 5 ildə yenidən yaranır”.

Həkim-uroloq böyrək xəstəliyinin hamilələrə təsiri barədə danışıb. Bildirib ki, hamiləlikdən əvvəl böyrəklər mütləq yoxlanmalıdır: “Çünki hamiləlik zamanı xəstəyə istənilən dərman preparatını təyin edə və bütün müayinələri icra edə bilmirik. Hamiləliyin daha çox 7-ci ayında, 28-35-ci həftələrində böyrək problemləri üzə çıxa bilər. Böyrəklərin diaqnostikası üçün sidik analizi və böyrək müayinəsi həyata keçiririk. İstənilən halda, əsas məqsəd hamiləliyi sağlam şəkildə sonlandırmaqdır. Yəni, doğuşdan sonra böyrək daşı müalicəsi daha asandır”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM