20 Oktyabr 2021 17:05
846
CƏMİYYƏT
A- A+

Bir həftə ərzində dünyada COVID-19-a yoluxma hallarının sayı 4 faiz azalıb  

 

Ötən bir həftə ərzində dünyada 2,7 milyondan çox insan koronavirus infeksiyasına yoluxub, 46 mindən çox insan isə həyatını itirib. Yeni yoluxma hallarının sayı yeddi gündə 4 faiz, ölüm halları isə 2 faiz azalıb. AZƏRTAC xəbər verir ki, bu barədə Ümumdünya Səhiyyə Təşkilatının (ÜST) epidemiya ilə bağlı həftəlik bülletenində deyilir.

Məlumatda qeyd edilir ki, oktyabrın 11-dən 17-dək - bir həftə ərzində yeni yoluxma hallarının 7 faiz artdığını bildirən Avropa bölgəsi istisna olmaqla, ötən həftə ilə müqayisədə qalan bütün regionlar yeni yoluxma hallarının sayının azalması barədə məlumat veriblər. Xüsusilə əhəmiyyətli azalma Afrikada (18 faiz), eləcə də Qərbi Sakit Okean regionunda (16 faiz) qeydə alınıb. Ölüm hallarının sayı əhəmiyyətli dərəcədə Afrikada (25 faiz) və Cənub-Şərqi Asiyada (19 faiz) azalıb. Ölüm hallarının sayında artım yalnız Avropada (4 faiz) və Qərbi Sakit Okean regionunda (1 faiz) qeydə alınıb.

Bülletendə verilən statistik məlumatlara görə, oktyabrın 11-dən 17-dək dünyada 2 763 957 yoluxma halı və 46 140 ölüm halı aşkar edilib ki, bu da oktyabrın 4-dən 10-dək olan dövrlə müqayisədə müvafiq olaraq 4 faiz və 2 faiz azdır. Bir həftə ərzində yoluxanların ən çox sayı barədə təşkilata Birləşmiş Ştatlar tərəfindən bildirilib (582 707). Ondan sonra Böyük Britaniya (283 756), Rusiya (217 322), Türkiyə (213 981) və Hindistan (114 244) yer alıblar.

Koronavirusun "alfa" və "delta" ştamları bir həftə ərzində bir qədər yayılmasını genişləndirib. İlk dəfə 2020-ci ilin sentyabr ayında Böyük Britaniyada aşkar edilən “alfa” ştamı indi 196 ölkə və ərazidə mövcuddur, halbuki bir həftə əvvəl belə ölkələrin sayı 195 idi. “Delta” variantının mövcudluğu barədə məlumatlar 193 ölkədən daxil olub və bir həftə ərzində bu siyahıya iki dövlət əlavə olub. Bu ştam Hindistanda aşkar ediləndən sonra 2020-ci ilin oktyabrından bəri mütəxəssislərə məlumdur. Ötən ilin avqust ayında Cənubi Afrika Respublikasında aşkar edilən “beta” variantı 145 dövlətdə dövr edir, 2020-ci ilin sentyabr ayında Braziliyada aşkar edilən “qamma” ştamı isə 99 ölkədə mövcuddur. Ötən həftə "beta" və "qamma" ştamlarının aşkar olunduğu ölkələrin sayı dəyişməyib.

ÜST-nin oktyabrın 19-na təqdim etdiyi statistik məlumatlara görə, pandemiyanın başlanğıcından bəri dünyada 240 940 937 yoluxma halı və 4 903 911 ölüm halı qeydə alınıb. Son bir gündə 325 875 yoluxma və 5 201 ölüm halı barədə məlumatlar daxil olub.

Bu günə qədər Azərbaycanda 505 min 554 koronavirus infeksiyasına yoluxma halı qeydə alınıb, 479 min 675 nəfər müalicə olunaraq sağalıb, 6 min 793 nəfər ölüb, 19 min 86 nəfərin müalicəsi davam etdirilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video