06:02 09 May 2021
ONLINE XƏBƏR LENTİ
01:55 09.05.2021

Heydər Əliyev yolu


01:52 09.05.2021

Liderlik rəmzi


01:52 09.05.2021

Şərqdən doğan Günəş


01:50 09.05.2021

Xilaskarlıq missiyası


01:08 09.05.2021

Kəşfiyyatçı Zorge


01:05 09.05.2021

BİLDİRİŞ


01:04 09.05.2021

BİLDİRİŞ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Baş infeksionist: Koronavirusla bağlı epidemioloji durum müsbət istiqamətdədir
ANA SƏHİFƏ / SƏHIYYƏ
13:30 03.05.2021

 

Hazırda ölkəmizdə yeni növ koronavirus (COVID-19) infeksiyası ilə bağlı epidemioloji durum müsbət istiqamətdədir. Bir neçə gündür davamlı olaraq yoluxma hallarının sayında azalma qeydə alınır. Bununla yanaşı, COVID-19-dan sağalanların sayının yeni yoluxma hallarını üstələməsi sevindiricidir. Aktiv xəstələrin sayının azalması səhiyyəyə düşən yükün azalması deməkdir. Hesab edirəm ki, bu tendensiya davam edəcək.

AZƏRTAC xəbər verir ki, bunu Səhiyyə Nazirliyinin baş infeksionisti Təyyar Eyvazov deyib.

O, bildirib ki, müsbət tendensiyanın səbəbləri hamını düşündürür: “Keçən ilin mart ayı ilə indiki dövrü müqayisə etsək, görərik ki, o zaman bizim qorunma alətlərimiz yalnız sərt karantin tədbirləri, fərdi qoruyucu vasitələrdən istifadə və gigiyena qaydalarına əməl olunması idi. Hazırda siyahıya bir neçə amil də əlavə olunub. Bunlardan ən önəmlisi vaksinasiya prosesidir. Yanvarın 18-dən başlayan vaksinasiya hazırda uğurla davam edir. İki doza alanların sayı yarım milyonu ötüb. Həmin şəxslər immunitet əldə etmiş və qoruyuculuğu yaranmış insanlardır. Lakin onların sayı azdır və bu, bizi qane edə bilməz. Digər tərəfdən, xəstələnib təbii yolla immunitet qazanan insanlar da var. Rəsmi statistikaya görə, onların sayı 320 minin üzərindədir. Bilirik ki, həmin statistika heç də tam mənzərəni əks etdirmir. Virusa yoluxanların sayı dəfələrlə çoxdur. Bu, bütün dünyada belədir. Xəstəliyi simptomsuz keçirənlər, qeydiyyata düşməyənlər çoxdur. Onların hamısında bu və ya digər dərəcədə təbii immunitet formalaşır. Həm vaksinasiya olunanlar, həm xəstəliyi istər simptomatik, istərsə də assimptomatik keçirənlər immunlaşmış təbəqəni əmələ gətirirlər. Belə insanların sayı gündən-günə artır. Vaxt keçdikdə immunlaşmış, xəstəliyə həssas olmayan insanların sayı artır ki, bu da yoluxma hallarının azalmasında özünü göstərməlidir.

Müsbət dinamikada əhalinin müəyyən qədər maariflənməsi də mühüm rol oynayır. Vətəndaşların əksəriyyəti öz ətrafında, yaxınlarında infeksiyaya yoluxma, hətta ağırlaşma və ölüm hallarının şahidi oldu. Həm aparılan maarifləndirmə işləri, həm də vətəndaşların şəxsi təcrübəsi onları koronavirusa inanmağa sövq etdi. Hazırda vətəndaşlar qızıl qaydalara kifayət qədər əməl edirlər. Bunu hər yerdə müşahidə edirik. Bu da müsbət dinamikada rol oynayır. Lakin belə bir tendensiya var. Say azaldıqca arxayınlaşma baş verir və vətəndaşlar bir neçə ay bundan əvvəl yaşananları unudurlar. Nəticədə həmin qaydalara laqeyd münasibət başlayır. Havalar istilənməyə doğru getdiyindən belə vaxtlarda maska istifadəsi fiziki olaraq çətinlik yaradır. Həmçinin azalma baş verdikcə yaxın vaxtlarda yenidən qaydalara etinasız münasibət göstərən vətəndaşların sayının artdığını görəcəyik. Belə olan halda yenidən mənfi tendensiya ilə üzləşə bilərik.

Yoluxma saylarının azalmasına təsir edən təbii amilləri də qeyd etmək lazımdır. Ola bilər ki, onlar birbaşa yox dolayı yolla təsir göstərirlər. Belə ki, havaların isinməsi ilə əlaqədar insanlar daha çox açıq məkanlara üstünlük verirlər. Qapalı məkanlarda nəfəsliklər açılır, otaqların havası tez-tez dəyişdirilir. Bunlar da yoluxma hallarının müəyyən qədər tempinin azalmasına təsir edirlər. Ümumiyyətlə bir neçə faktorun cəmi hazırkı mənzərənin müşahidə edilməsinə səbəb olur”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM