13:12 22 Oktyabr 2021
ONLINE XƏBƏR LENTİ
00:21 22.10.2021

22 oktyabr


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Baş həkim: Yaşlı sakinlər hərtərəfli müayinə edildikdən sonra peyvənd olunurlar
ANA SƏHİFƏ / SƏHIYYƏ
16:05 10.02.2021

 

Artıq üç gündür ki, yaşı 65-dən yuxarı olan vətəndaşların yeni növ koronavirus (COVID-19) əleyhinə vaksinasiyası davam edir. Bakının Qaradağ rayonundakı 17 nömrəli Birləşmiş Şəhər Xəstəxanasında da peyvəndləmə tədbiri getdikcə daha geniş vüsət alır.

Xəstəxananın baş həkimi Elmira Rəfailovanın AZƏRTAC-ın müxbirinə verdiyi məlumata görə, tibb işçilərinin vaksinasiyası başa çatan kimi yaşlı sakinlərin həmin tədbirə cəlb olunması prosesi başlayıb: “Müəssisəmizdə çalışan 130 həkim və tibb işçisindən 80 nəfərinə Çinin “Sinovac” şirkətinin “CoronaVAC” vaksini vurulub. 23 nəfər ayrı-ayrı vaxtlarda COVID-19 xəstəliyini keçirdiyinə görə, qalan işçilərin bəzisi analıq məzuniyyətinə çıxdığı, bəzisi südvermə mərhələsində olduğu üçün onlara peyvənd vurulmayıb.

Həkim və tibb işçilərimiz peyvəndin üstünlükləri və faydası barədə əhali arasında məlumatlandırma işi aparırılar. Xəstəxanamızda 578 nəfər yaşı 65-dən yuxarı olan vətəndaşlar peyvənd olunacaq. Peyvənd vurdurmaq istəyən vətəndaşlar şəxsiyyət vəsiqəsi ilə randevu. az saytına SMS-lə müraciət etdikdən sonra vaxt təyin olunur, sistemə salınır, ambulator kartı götürülür və həkimin müayinə otağına yönəldilir. İlk iki gündə 14 sakin həmin prosedurdan keçib. Onlar xəstəxanaya daxil olan kimi dərhal temperaturları ölçülür, əllərinə dezinfeksiyaedici spirt məhlulu vurulur və bundan sonra xüsusi qeydiyyat otağına üz tuturlar. Adətən həmin yaş qrupuna aid insanlarda bir sıra xroniki xəstəliklər müşahidə olunur. Ona görə həkimlər həmin kateqoriyadan olanlara çox diqqətlə yanaşır və onları hərtərəfli müayinədən keçirirlər. Peyvənd olunduqdan sonra ikinci dozanın vurulma tarixi barədə də vətəndaşlara xəbərdarlıq edilir.

İlk günlər olduğuna görə, hələ müraciətlər o qədər də çox deyil. Yəqin ki, qarşıdakı günlərdə daha çox sakin peyvənd vurdurmaq üçün üz tutacaq. Peyvənd vurulandan sonra da sahə həkimləri onlara zəng edir, evlərinə baş çəkir, özlərini necə hiss etdikləri ilə maraqlanırlar. Nəticələr yaxşıdır, peyvənd olunanların heç birində yan təsirlər qeydə alınmayıb”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM