28 Oktyabr 2021 01:33
689
CƏMİYYƏT
A- A+

Bakının Nərimanov rayonunda Vətən Müharibəsi Qəhrəmanı Azad Hümbətovun xatirəsi anılıb

 

Oktyabrın 27-də Milli Məclis sədrinin müavini Adil Əliyev, deputatlar Hikmət Məmmədov, Rasim Musabəyov, Könül Nurullayeva və Nərimanov Rayon İcra Hakimiyyətinin başçısı Abdin Fərzəliyev Nərimanov rayon ictimaiyyətinin nümayəndələri ilə birlikdə Vətən Müharibəsi Qəhrəmanı, şəhid baş leytenant Hümbətov Azad Arif oğlunun anım tədbirində iştirak ediblər.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a verilən məlumata görə, mərasimdə çıxış edən Milli Məclis sədrinin müavini Adil Əliyev bildirib ki, 30 il ərzində Ermənistanın işğalı altında olan tarixi Azərbaycan torpaqları Prezident, Müzəffər Ali Baş Komandan İlham Əliyevin müdrik və uzaqgörən rəhbərliyi ilə şanlı Ordumuz tərəfindən azad edilib. Ölkəmizin ərazi bütövlüyünün bərpası məqsədilə silaha sarılan qəhrəman övladlarımız 44 gün ərzində düşməni təslim olmağa məcbur ediblər. Bu müqəddəs missiyanı həyata keçirmək üçün şəhid Azad Hümbətov kimi oğullarımız ən ali nemət olan canlarını qurban veriblər. Şanlı tariximizin ən parlaq səhifəsi olan Vətən müharibəsində qazanılmış Qələbəyə görə Azərbaycan xalqı hər zaman qəhrəmanlarımıza minnətdar olacaq, şəhidlərimizin xatirəsi hər birimiz üçün əziz olaraq qalacaq.

Qeyd edək ki, şəhid Azad Arif oğlu Hümbətov Vətən müharibəsində göstərdiyi qəhrəmanlıqlara görə dövlətimizin başçısının sərəncamları ilə “Vətən Müharibəsi Qəhrəmanı” adı, “Vətən uğrunda”, “Xocavəndin azad olunmasına görə” və “Füzulinin azad olunmasına görə” medalları ilə təltif edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video