21:57 19 Sentyabr 2021
ONLINE XƏBƏR LENTİ
00:57 19.09.2021

Saxta erməni iddiaları


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Bakı Hüquq Mərkəzi oxucuların suallarına cavab verir
ANA SƏHİFƏ / HÜQUQ MƏSLƏHƏTI
12:01 29.01.2017

 

Bəzi təşkilatların publik hüquqi şəxs olduğu qeyd edilir. Ümumiyyətlə, publik hüquqi şəxs nəyi ifadə edir?

 

Tamerlan Ağayev,

Bakı şəhər sakini

 

Publik hüquqi şəxs anlayışı milli qanunvericiliyimiz üçün nisbətən yenidir.  Azərbaycan Respublikasının (29 dekabr 2015-ci il tarixli) “Publik hüquqi şəxslər haqqında”  qanununun 2.2-ci maddəsinə görə publik hüquqi şəxs - dövlət və bələdiyyə adından və ya publik hüquqi şəxs tərəfindən yaradılan, ümumdövlət və ictimai əhəmiyyət daşıyan fəaliyyətlə məşğul olan, dövlət və ya bələdiyyə orqanı olmayan təşkilatdır.

Publik hüquqi şəxslərə xas əsas əlamətləri vurğulaya bilərik. Əvvəla, publik hüquqi şəxslər xüsusi hüquqdakı hüquqi şəxslərdən fərqli olaraq şəxslərin sərbəst iradəsi ilə deyil, dövlət, bələdiyyə və ya publik hüquqi şəxs tərəfindən yaradılır. İkincisi, publik hüquqi şəxslər xüsusi hüquqdakı hüquqi şəxslərə nisbətdə daha üstün mövqedədirlər, çünki ictimai (publik) gücdən doğan imtiyazlara və vəzifələrə malikdir. Məsələn, publik hüquqi şəxsin inzibati akt qəbul etmək səlahiyyətinə malik olması, publik hüquqi şəxsin müflis elan olunmasının yolverilməzliyi, publik hüquqi şəxsə üzvlüyün məcburi olmasını imtiyazlara nümunə göstərə bilərik. Xüsusi hüquqi şəxslər qanuna zidd olmayan istənilən növ fəaliyyətlə məşğul olmaqda sərbəstdirlər; publik hüquqi şəxsin yalnız ümumdövlət və ictimai əhəmiyyət daşıyan fəaliyyətlə məşğul olması şərti onun vəzifəsinə misal göstərilə bilər. Üçüncüsü, publik hüquqi şəxslərin fəaliyyəti xüsusi məqsədlərin deyil, ictimai (publik) mənafelərin reallaşdırılmasına istiqamətlənir.

   

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM