Bahar Muradova: 2021-2022-ci illərə dair Fəaliyyət Planı milli mexanizmlərin təkmilləşdirilməsinə töhfə vermək üçün nəzərdə tutulub
Bu gün biz UNICEF-in Azərbaycan nümayəndəliyi ilə Ailə, Qadın və Uşaq Problemləri üzrə Dövlət Komitəsi (AQUPDK) arasında 2021-2022-ci illərə dair Fəaliyyət Planını imzaladıq. Sənəd Dayanıqlı İnkişaf Məqsədlərini, eləcə də Azərbaycanın Milli İnkişaf Prioritetlərinin yerinə yetirilməsi, onların monitorinqi sahəsində milli mexanizmlərin təkmilləşdirilməsinə töhfə vermək üçün planlaşdırılıb.
AZƏRTAC xəbər verir ki, bu fikirləri Ailə, Qadın və Uşaq Problemləri üzrə Dövlət Komitəsi ilə BMT-nin Uşaq Fondu (UNICEF) arasında 2021-2022-ci illərə dair Fəaliyyət Planının imzalanması mərasimində jurnalistlərə müsahibəsində AQUPDK-nın sədri Bahar Muradova deyib.
B.Muradova bildirib ki, bu, həmçinin UNICEF-in Azərbaycan üçün nəzərdə tutulan 2021-2025-ci illər üzrə sənədindən irəli gələn cari fəaliyyət planıdır və Komitənin buna qədərki fəaliyyətinin davamı kimi qəbul olunmalıdır. “Eləcə də müasir dövrün bizə diktə etdiyi çətinlikləri, problemləri və onları aradan qaldırmaq istiqamətindəki niyyətlərimizi, imzaladığımız vacib sənədləri və ondan irəli gələn vəzifələri özündə əks etdirir. Sənəddə, ilk növbədə, erkən uşaqlıq dövrünün inkişafının təşviqinə, o cümlədən sektorlararası əlaqələndirməyə və valideynlərin maarifləndirilməsi məsələləri nəzərdə tutulur. Fəaliyyət Planının icrası istiqamətində, eyni zamanda, gender əsaslı zorakılığın və uşaqlara qarşı zorakılığın, o cümlədən bullinqin, internet təhlükəsinin, erkən nikahların qarşısının alınması, bu cür hallara qarşı cavab tədbirlərinin görülməsinə, müvafiq psixososial dəstəyin göstərilməsi və digər məsələlərlə bağlı layihələrin həyata keçirilməsində UNICEF-in texniki dəstəyi nəzərdə tutulub. Həmçinin bu sahədə məlumatların toplanılması, hesabatların işlənilməsi işinə dəstək verilməsi nəzərdə tutulub.
“Biz burada komitənin yerli qurumları olan ailə və uşaqlara dəstək mərkəzlərinin iştirakı, eləcə də qeyri hökumət təşkilatlarının cəlb edilməsi ilə layihələri reallaşdırmağı planlaşdırırq. Məqsəd məlumatlandırma, maarifləndirmə, pozitiv valideynlik sahəsindəki təbliğatı genişləndirməkdir. Həmçinin insanları narahat edən pandemiya və müharibədən sonra yaranan bir sıra çağırışları, o cümlədən ailədaxili, xüsusilə uşaqlara qarşı zorakılığın, intihar hallarına gətirib çıxaran məsələlərin aradan qaldırılmasına töhfə vermək məqsədi daşıyır. Qeyd olunan vəzifələri müzakirə edərək müəyyənləşdirmişik. Sənədin üstün cəhətlərindən biri də odur ki, bu, qurumlararası əlaqələndirilmənin bir növüdür. Çünki qeyd olunan bütün məsələlər təkcə UNICEF ilə AQUPDK-nın vəzifəsi deyil. Bu, bütün əlaqədar qurumların birgə işlədiyi planın bir hissəsidir. Bizə aid olan hissəni imzaladıq. Amma bu, ümumi Fəaliyyət Planının tərkib hissəsidir. Bu prosesdə ictimaiyyətin, dövlət orqanlarının, vətəndaşların xüsusilə ailələrin yaxından iştirakı nəzərdə tutulur”, - deyə Bahar Muradova qeyd edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!