26 Avqust 2021 13:31
628
SİYASƏT
A- A+

Azərbaycanın Serbiyadakı səfiri etimadnaməsini bu ölkənin Prezidentinə təqdim edib

 

Avqustun 25-də Azərbaycan Respublikasının Serbiya Respublikasındakı fövqəladə və səlahiyyətli səfiri Kamil Xasiyev etimadnaməsini Serbiya Respublikasının Prezidenti Aleksandr Vuçiçə təqdim edib.

Səfirlikdən AZƏRTAC-a verilən məlumata görə, Prezident A.Vuçiç yeni fəaliyyətində səfirə uğurlar arzulayıb və Azərbaycan Respublikasının Prezidenti İlham Əliyevə ən xoş diləklərini çatdırmağı xahiş edib. O, ölkələrimiz arasında mövcud olan, strateji tərəfdaşlıq əsasında qurulmuş münasibətlərin ən yüksək səviyyədə olduğunu və Azərbaycanın dinamik inkişafı, xüsusilə də iqtisadi inkişaf sahəsindəki uğur və nailiyyətlərinin çox heyranedici olduğunu qeyd edib.

Serbiya Respublikasının Prezidenti, həmçinin bu il iyulun 25-27-də Serbiya xarici işlər nazirinin rəhbərlik etdiyi nümayəndə heyətinin Bakıya səfərinin çox məhsuldar keçdiyinə görə Azərbaycana təşəkkürünü ifadə edib.

Səfir K.Xasiyev Prezident A.Vuçiçə xoş və səmimi sözlərinə görə təşəkkür edib və Azərbaycan Respublikasının dost Serbiya Respublikası ilə bütün sahələrdə, o cümlədən iqtisadi, mədəni, təhsil və humanitar sahələrdə əməkdaşlıq etməyə maraqlı olduğunu vurğulayıb. Bu baxımdan Hökumətlərarası Komissiyanın Bakıdakı son iclasının faydalı olduğunu bildirib.

Görüşün sonunda səfir K.Xasiyev səmimi qəbula görə Prezident A.Vuçiçə bir daha təşəkkür edib.

Daha sonra səfir K.Xasiyev və səfirliyin əməkdaşları Belqradda yerləşən “Taşmaydan” parkına gələrək Azərbaycan xalqının ümummilli lideri Heydər Əliyevin burada ucaldılmış abidəsini ehtiramla yad edib, önünə gül dəstələri düzüb.

Sonra səfir həmin parkda görkəmli serb yazıçısı Milorad Paviçin heykəlini və 1999-cu ildə Belqrad şəhərinin bombalanması zamanı həlak olmuş uşaqların xatirəsinə ucaldılmış "Biz sadəcə uşaqlar idik" abidəsini ziyarət edib, hər iki abidənin önünə gül dəstələri qoyub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video