Azərbaycan xalqının səbri sonsuz deyil!
Milli azadlığımız, dövlət müstəqilliyimiz çətin və məşəqqətli yollardan keçib. Başımıza çox faciələr gəlib: torpaqlarımız işğal olunub, yüz minlərlə soydaşımız əzəli torpaqlarımızdan qovulub, elindən-obasından qaçqın, didərgin salınıb.
Maddi-mənəvi sıxıntılara məruz qalmışıq. Bütün bunları törədənlərin də bir məqsədi olub: Azərbaycanın azadlığına, müstəqilliyinə yol verməmək. Ancaq Vətən, millət deyə azadlıq uğrunda canından belə keçməyə hazır olan igid oğullarımızın sayəsində bu gün Azərbaycan müstəqil dövlətdir. Dövlət müstəqilliyi ən ali dəyərdir. Biz buna nail olmuşuq. Doğrudur, itki və qurbanlarımız da az olmayıb. Qarabağ düyünü hələ də çözülməyib. Amma Azərbaycan xalqı iradəsini bildirib: nəyin bahasına olursa-olsun Qarabağı, işğal altındakı bütün torpaqlarımızı azad edəcəyik! Bunun uğrunda hər fədakarlığa hazırıq. Buna iqtisadi gücümüz də var, hərbi qüdrətimiz də! Azərbaycanın yüksəlişi ordu quruculuğunda özünü daha qabarıq büruzə verib. Milli Ordu təchizatı və döyüş qabiliyyəti ilə regionun üstün güclərindən biridir. Ermənistanın silahlı quldur birləşmələrini qısa müddətdə darmadağın etməyə qadirdir. Aprel döyüşlərində bütün dünya buna şahid oldu.
Biz hamımız əminik ki, tarixi məqam yetişdiyi an, geosiyasi mühit buna münasib olduğu zaman Azərbaycan Silahlı Qüvvələri bu şərəfli missiyanı yerinə yetirib torpaqlarımızı azad edəcək. Biz sülhsevər xalqıq. İstəyirik bu problem qan tökülmədən, ədalətlə həll olunsun. Düşmən və havadarları bilməlidirlər ki, Azərbaycan xalqının səbri sonsuz deyil və biz işğalla heç bir zaman barışmayacağıq! Əslində, bilirlər də! Elə bu səbəbdən hər vəchlə status-kvonu qoruyub saxlamağa çalışırlar. Amma əbəs yerə. Ali Baş Komandanımızın əmr verəcəyi an erməni separatizminə, terroruna, Ermənistan vasitəsilə Azərbaycan torpaqlarının işğalına birdəfəlik son qoyulacaq! Hər bir Azərbaycan vətəndaşı bu milli amalın müsəlləh əsgəridir və bunun naminə həyatını belə qurban verməyə hazırdır!
Müşfiq HƏSƏNOV,
Tərtər rayon sakini, müharibə veteranı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!