«Azərbaycan xalçaları» jurnalının ilk nömrəsinin təqdimatı olmuşdur
Noyabrın 4-də "Azərilmə" Məhdud Məsuliyyətli Cəmiyyətinin "Sehrli ilmələr" qalereyasında "Azərbaycan xalçaları" jurnalının ilk nömrəsinin təqdimatı olmuşdur. Jurnalın baş redaktoru "Azərilmə"nin direktoru, professor Vidadi Muradovdur.
AzərTAc xəbər verir ki, təqdimat mərasimində Heydər Əliyev Fondunun icraçı direktoru Anar Ələkbərov, Milli Məclisin deputatları və tanınmış elm və mədəniyyət adamları iştirak etmişlər.
Tədbirdə çıxış edən Vidadi Muradov bildirmişdir ki, respublikamızın həyatının bütün sahələrində olduğu kimi, Azərbaycan mədəniyyətinin, o cümlədən onun ayrılmaz hissəsi olan xalçaçılığın inkişafı və təbliği sahəsində də böyük işlər görülür. Azərbaycan Prezidenti İlham Əliyevin qayğısı nəticəsində xalçaçılığın inkişafının qanunvericilik bazası yaradılmışdır. Heydər Əliyev Fondunun prezidenti,V xoşməramlı səfir Mehriban xanım Əliyevanın dəstəyi ilə Azərbaycan xalçası UNESCO-nun Qeyri maddi-mədəni irs siyahısına daxil edilmişdir. Azərbaycanda xalçaçılığın inkişaf tarixi və bugününə dair fundamental nəşrlər hazırlanmış və dünyada geniş yayılmışdır. Bu böyük qayğı və diqqətin nəticəsidir kiV bu gün biz Azərbaycan xalçaçılığı tarixində daha bir unudulmaz hadisəni qeyd edirik. Bu günlərdə ilk dəfə olaraq mədəni sərvətimizdən - xalçalardan bəhs edən "Azərbaycan xalçaları" adlı elmi-bədii dərginin birinci sayı işıq üzü görmüşdür. Jurnalın nəşrində əsas məqsəd Azərbaycan xalçalarını təbliğ etmək, onların tarixini yenidən araşdırmaq, dünya mədəniyyətindəki mövqeyini möhkəmlətməyə yardımçı olmaqdır.
Bildirilmişdir ki, dərginin birinci sayında bəşəriyyətin mədəni irsinə çevrilən, milli sərvətimiz olan xalça nümunələri, xalçaçılıq məktəbləri, özünü bu sənətə həsr edən xalçaçı qadınlar, xalçaçı rəssamlar haqqında elmi, bədii məqalələr yer almışdır. Eyni zamanda, burada incəsənətin xalçaçılıqla bağlılığı olan digər sahələri - təsviri sənət, memarlıq, zərgərliyə də diqqət yetirilmişdir.
Bunlarla birlikdə oxucular türk mədəniyyətinin "milli rəmzi" sayılan qədim Pazırık xalçası, xalçalarımızda geniş istifadə edilən "Həyat ağacı" naxışının sirri, miniatürçü rəssam Sultan Məhəmmədin yaradıcılığından bəhs edən məqalələrlə də tanış ola biləcəklər. Dərgidə yer alan "Qazax xalçası üzərində qətl", "Antoni Cenkinsonun Şirvan səfəri" məqalələri də oxucularda maraq doğuracaqdır. Fransa kinosunun canlı əfsanəsi, dünya şöhrətli aktrisa Katrin Denövün dərgiyə eksklüziv müsahibəsi isə oxucularımıza əsl hədiyyədir.
"Azərilmə"nin direktoru vurğulamışdır ki, dərgimizin Azərbaycan dili ilə bərabər ingilis və rus dillərində də, nəşri onun bütün dünyada yayılmasını, tanınmış mütəxəssis və ekspertlərin də onun işində iştirakını təmin edəcəkdir.
Tədbirdə çıxış edən xalçaçı-rəssam Məmmədhüseyn Hüseynov, Milli Məclisin deputatı Qənirə Paşayeva və başqaları jurnalın hazırlanmasında zəhməti olan bütün insanlara minnətdarlıqlarını bildirmişlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!