17 Sentyabr 2021 16:00
693
SİYASƏT
A- A+

Azərbaycan və İordaniya arasında əməkdaşlığın perspektivləri müzakirə edilib  

Azərbaycanın İordaniyadakı səfiri Eldar Səlimov bu ölkənin parlamentariləri ilə görüş keçirib.

AZƏRTAC xəbər verir ki, görüşdə iki dost ölkə arasında əlaqələrin yüksək səviyyədə olduğu vurğulanıb, parlament üzvlərinin əməkdaşlığın inkişafı istiqamətində birgə fəaliyyət istiqamətləri müzakirə olunub.

İordaniya parlamentinin Asiya və Sakit Okean ölkələri ilə dostluq assosiasiyasının sədri Əbdülrəhim əl-Maayeh bildirib ki, krallıqla Azərbaycan arasında iki dövlətin başçılarının - Prezident İlham Əliyev və Kral II Abdullanın möhkəm dostluq əlaqələrinə söykənən siyasi münasibətlər mövcuddur. O, dost ölkələr arasında müxtəlif sahələrdə əməkdaşlığa dair bir çox sənəd və memorandum imzalamasının, enerji, turizm və digər istiqamətlərdə əlaqələrin böyük potensialı olduğunu vurğulayıb.

Səfir E.Səlimov qeyd edib ki, Azərbaycanla İordaniya arasında əməkdaşlığın daha da inkişafı üçün bütün imkanlar mövcuddur. O, bu sahədə qanunverici orqanların rolunu xüsusi qeyd edib. Diplomat vurğulayıb ki, dövlət başçıları arasında dostluq və yüksək etimad əlaqələrin genişlənməsi, xüsusən qarşılıqlı sərmayələrin cəlb edilməsində xüsusi əhəmiyyətə malikdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video