Azərbaycan sürətlə Avropa İttifaqına yaxınlaşır
"Azərbaycan həqiqətən Avropanın enerji təhlükəsizliyində mühüm rol oynayır. Bununla yanaşı Azərbaycan öz siyasi, demokratik inkişafına görə də digər dövlətlərdən fərqlənir və Avropa İttifaqı bu fərqi yüksək qiymətləndirir".
Bu sözləri Azərbaycanda səfərdə olan Avronest Parlament Assambleyasının (PA) həmsədri Kristian Vigenin dünən Milli Məclisin Sədri Oqtay Əsədovla görüşdə söyləyib. Oqtay Əsədov isə bildirib ki, Azərbaycanın xarici siyasətinin əsas istiqamətlərindən biri Avratlantik məkana inteqrasiyadır. Yeni yaranmış Avronest PA-nın ikinci sessiyasının Bakıda keçirilməsi isə buna əyani sübutdur: "Əminik ki, tədbirin iştirakçıları təşkilatçılıqdan razı qalacaq və müzakirə edəcəyimiz məsələlər, qəbul olunacaq qərarlar bizim inkişafımıza çox müsbət təsir göstərəcək".
Oqtay Əsədov bildirib ki, Azərbaycan Cənubi Qafqazda Avropa İttifaqının ən yaxın tərəfdaşıdır. Ölkəmiz Avropanın enerji təhlükəsizliyi məsələsində nühüm rol oynayır. Amma təəssüflər olsun ki, Avronestə üzv olan 6 ölkənin dördündə regional münaqişələr mövcuddur. Azərbaycan torpaqlarının 20 faizi Ermənistan tərəfindən işğal olunub, bir milyondan çox soydaşımız erməni təcavüzü nəticəsində öz torpaqlarından didərgin düşüb. Ermənistan-Azərbaycan, Dağlıq Qarabağ münaqişəsi ilə əlaqədar BMT Təhlükəsizlik Şurasının, Avropa Şurasının, Avropa İttifaqının və digər nüfuzlu beynəlxalq təşkilatların qərar və qətnamələri var: "Azərbaycan bu münaqişəni başqa yolla həll etmək iqtidarındadır. Amma hesab edirik ki, başqa yollar Avropanın özü üçün də təhlükəli və arzuolunmazdır. Ona görə də dövlətimizin başçısı, Milli Məclis və xalqımız bu problemin sülh yolu ilə, beynəlxalq hüququn norma və prinsipləri əsasında və dövlətlərin ərazi bütövlüyü prinsipi çərçivəsində həllinə tərəfdardır. İnanırıq ki, Avronest də münaqişənin sülh yolu ilə həllində öz dəstəyini əsirgəməyəcək".
Avronest PA-nın həmsədri Kristian Vigenin Assambleyanın sessiyasının yüksək səviyyədə Bakıda təşkilinə görə, Avropa Parlamentinin rəhbərliyi və nümayəndə heyəti adından Azərbaycan dövlətinə və parlamentinə minnətdarlığını bildirib. O deyib ki, yaranmasından bir ildən az müddət keçməsinə baxmayaraq Avronestdə 4 hesabat hazırlanıb. Bu sənədlər Assambleyanın və onun strukturlarının fəaliyyətinin əsas prinsip və istiqamətlərini müəyyən edəcək. K.Virgenin bu hesabatların hazırlanmasında Azərbaycan nümayəndə heyətinin rolunu xüsusi qeyd edib. Onun sözlərinə görə, Avropa İttifaqı, Avropa Parlamenti və digər qurumlar Şərq Tərəfdaşlığına qoşulan ölkələrin inkişafını diqqətlə izləyir: "Azərbaycan təkcə iqtisadi cəhətdən deyil, siyasi, demokratiya və digər sahələrdə də sürətlə inkişaf edir. Azərbaycan Avropanın enerji təhlükəsizliyində mühüm rol oynamaqla yanaşı sürətlə Avropa İttifaqına yaxınlaşır. Biz bütün bunları yüksək qiymətləndiririk. Əminliklə deyirik ki, Azərbaycan Avropa İttifaqının etibarlı tərəfdaşıdır. Avronest regional münaqişələrin həllində güclü təsir müxanizminə malik deyildir. Lakin buna baxmayaraq, biz bütün problemlərin, eləcə də Dağlıq Qarabağ münaqişəsinin sülh yolu ilə həllinə tərəfdarıq. Ümid edirik ki, birgə səylərimiz nəticəsində buna nail olacağıq".
Avronest PA-nın digər həmsədri Boris Tarasyuk Assambleyanın sessiyasının yüksək səviyyədə təşkilinə və göstərilən qonaqpərvərliyə görə minnətdarlığını bildirmiş, Azərbaycanın qurum daxilindəki fəaliyyətini yüksək qiymətləndirmişdir.
Sonra görüşdə Avronest PA-nın fəaliyyətinin əsas istiqamətləri, Avropa İttifaqının Şərq Tərəfdaşlığı proqramının genişləndirilməsi, ikitərəfli və çoxtərəfli əməkdaşlıq məsələləri ətrafında geniş fikir mübadiləsi aparmışdır.
"Azərbaycan"
Foto F.Bağırovundur
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!