Azərbaycan Respublikasının Konstitusiya Məhkəməsi tərəfindən konstitusiya qanunçuluğunun təmin edilməsinə dair məruzə maraqla qarşılanmışdır
Azərbaycan Respublikası Konstitusiya Məhkəməsinin sədri Fərhad Abdullayevin başçılıq etdiyi nümayəndə heyəti Qazaxıstan Respublikası Konstitusiya Şurasının sədri İqor Roqovun dəvəti ilə avqustun 28-dən sentyabrın 2-dək bu ölkədə səfərdə olmuşdur.
Konstitusiya Məhkəməsinin mətbuat xidmətindən AzərTAc-a bildirmişlər ki, Azərbaycan nümayəndə heyəti Konstitusiya Gününə həsr edilmiş "Konstitusiya dövlətin və cəmiyyətin sosial müasirləşdirilməsinin əsasıdır" mövzusunda Astana şəhərində keçirilmiş beynəlxalq konfransda iştirak etmişdir. Konfransın açılışında Qazaxıstan Prezidenti Nursultan Nazarbayev giriş nitqi ilə çıxış etmişdir.
Tədbirin praktiki hissəsində dünyada konstitusiya ədalət mühakiməsinin müasir meyilləri, beynəlxalq məhkəmələrlə konstitusiya nəzarəti orqanları arasında əlaqələr, vətəndaşların Konstitusiya Məhkəməsinə müraciət etmək hüququ və digər məhkəmə-hüquq məsələləri ətraflı müzakirə olunmuşdur.
Daha sonra beynəlxalq konfrans öz işini Almatı şəhərində davam etdirmişdir. Tədbirdə Fərhad Abdullayev Azərbaycan Respublikasının Konstitusiya Məhkəməsi tərəfindən konstitusiya qanunçuluğunun təmin edilməsinə dair məruzə ilə çıxış etmişdir.
Konfransda bir çox Avropa və Asiya ölkələrinin konstitusiya nəzarəti orqanlarının sədrləri və hakimləri, nüfuzlu beynəlxalq təşkilatların rəhbərləri, o cümlədən Avropa Şurası Venesiya Komissiyasının sədri Canni Bukikkio iştirak etmişlər.
Səfər çərçivəsində keçirilmiş görüşlərdə və digər tədbirlərdə Azərbaycanın Qazaxıstandakı səfiri Zakir Həşimov iştirak etmişdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!