21 Dekabr 2011 03:12
864
Milli Məclis
A- A+

«Azərbaycan Respublikası Milli Məclisinə dəstək» adlı Tvinninq layihəsi başa çatmışdır

 

"Azərbaycan Respublikası Milli Məclisinə dəstək" adlı Tvinninq layihəsi başa çatmışdır. Bununla əlaqədar dekabrın 20-də Milli Məclisdə beynəlxalq konfrans keçirilmişdir.

Milli Məclis Aparatının və Azərbaycan tərəfindən layihənin rəhbəri Səfa Mirzəyev demişdir ki, Avropa İttifaqı gənc, müstəqil dövlətlərin inkişafı üçün 280-dən çox layihə həyata keçirir. Tvinninq bu layihələr içərisində ilk üçlüyə düşmüşdür. Layihənin Azərbaycanda həyata keçirilməsi üçün elan olunmuş tenderdə Litva Respublikası qalib gəlmişdir.

Layihə iki ildən bir qədər artıq müddətdə 4 mərhələdə həyata keçirilmişdir. Birinci mərhələdə Azərbaycan qanunvericiliyinin Avropa İttifaqı qanunvericiliyinə yaxınlaşdırılması nəzərdə tutulmuşdur. "Normativ hüquqi aktlar haqqında" qanun qəbul olunmuş, Azərbaycan Respublikasının Tikinti Məcəlləsi parlamentin müzakirəsindədir. Rəqabət Məcəlləsi üzərində işlər davam etdirilir.

İkinci mərhələdə qanunverici orqanla icraedici strukturlar arasında əlaqələrin inkişafı nəzərdə tutulmuşdur və bu sahədə də müəyyən işlər görülmüşdür.

Layihənin üçüncü mərhələsi normativ hüquqi aktların qəbulundan sonra onun cəmiyyətdə təsbitinə həsr olunmuşdur. Bunda məqsəd qanunların cəmiyyətdə daha yaxşı başa düşülməsi və icra olunmasıdır.

Sonuncu, dördüncü mərhələdə Avropa İttifaqı ilə Azərbaycan arasında əlaqələrin inkişafı, cəmiyyətdə Avropa İttifaqının daha çox tanınması nəzərdə tutulmuşdur. Bununla əlaqədar xüsusi portal yaradılmışdır.

S.Mirzəyev bildirmişdir ki, layihə tam yerinə yetirilmiş və qarşıya qoyulmuş məqsədə nail olunmuşdur.

Sonra Litva Seymi Aparatı müdirinin müavini və layihənin Litva tərəfindən rəhbəri Qediminas Aleksonis çıxış etmiş, layihənin icrasına göstərdiyi köməyə görə Azərbaycan tərəfinə minnətdarlığını bildirmişdir. O demişdir ki, Tvinninq layihəsi Avropa İttifaqının xarici siyasətinin əsas elementlərindən biridir. Məqsəd gənc, müstəqil dövlətlərin inkişafına və Avropaya inteqrasiyasına köməklik göstərməkdir. 2009-cu il sentyabrın 25-dən başlamış bu layihə çərçivəsində 68 tədbir keçirilmiş və həmin tədbirlərdə 70 ölkədən 40 ekspert iştirak etmişdir. Ekspertlər Azərbaycanın dinamik inkişafından razı qalmış və Tvinninq layihəsində iştirakını yüksək qiymətləndirmişlər.

Sonra Avropa İttifaqının Azərbaycandakı nümayəndəliyinin müvəqqəti işlər vəkili Andrey Valentinov, Milli Məclisin Azərbaycan-Litva parlamentlərarası əlaqələr üzrə işçi qrupun rəhbəri Fuad Muradov və başqaları çıxış edərək Azərbaycanın Tvinninq layihəsindəki fəal iştirakından, layihənin əhəmiyyətindən, parlamentlərarası əlaqələrin inkişaf perspektivlərindən danışmışlar. Azərbaycan Parlamentinin və hökumətinin Avropa İttifaqı və onun ayrı-ayrı strukturları, o cümlədən Avropa Komissiyası və Avropa Parlamenti ilə əməkdaşlığını yüksək qiymətləndirmişlər.

Sonra məruzələr dinlənilmiş, rəy və təkliflər səsləndirilmişdir.

Konfrans başa çatdıqdan sonra layihə rəhbərləri Səfa Mirzəyev və Qediminas Aleksonis jurnalistlərin suallarını cavablandırmışlar.

 

AzərTAc

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video