21:23 16 Aprel 2021
ONLINE XƏBƏR LENTİ
19:20 16.04.2021 Eldar Tofiq oğlu Quliyev
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan qadını tarixin bütün dövrlərində Vətənə qəhrəman övladlar yetişdirib

ANA SƏHİFƏ / CƏMİYYƏT
02:47 06.03.2021

 

Martın 5-də Fövqəladə Hallar Nazirliyi (FHN) işçilərinin həmkarlar ittifaqı tərəfindən 8 mart - Beynəlxalq Qadınlar Günü münasibətilə onlayn tədbir keçirilib.

FHN-in Mətbuat xidmətindən AZƏRTAC-a bildiriblər ki, onlayn formatda keçirilən tədbirdə çıxış edən Fövqəladə Hallar Nazirliyi işçilərinin həmkarlar ittifaqının sədri Mehman İsmayılov nazirliyin qadın əməkdaşlarını 8 mart - Beynəlxalq Qadınlar Günü münasibətilə təbrik edib, onlara xoşbəxtlik, möhkəm cansağlığı və işlərində müvəffəqiyyətlər arzulayıb. M.İsmayılov Azərbaycan qadınlarının həmişə sədaqət, həya, təmkin, ailəsinin rifahına, qayğısına qalan fədakar, nəcib qadın mücəssəməsi olduğunu bildirib.

O, çıxışında xalqımızın bir neçə minillik tarixində qəhrəman Azərbaycan qadınının roluna toxunaraq qeyd edib: “Azərbaycan qadını tarixin bütün dövrlərində Vətənə qəhrəman övladlar yetişdirməklə, onlarda Vətənə sevgi və sədaqət hissi aşılayıb. 44 günlük Vətən müharibəsində Azərbaycan qadını öz qəhrəmanlıq missiyasını yenə də göstərdi. Böyütdüyü övladını Vətənin dar günündə cəbhəyə şərəflə yola saldığının şahidi olduq. Şəhid və qazi anası olaraq bu ağır gündə öz mətanətini və vüqarını nümayiş etdirdi”.

Mehman İsmayılov bildirib ki, Vətən müharibəsində ordumuz qarşısında duran vəzifənin öhdəsindən məharətlə gələrək, işğal olunmuş torpaqlarımızı qısa müddətdə azad etdi. Qəhrəman Azərbaycan analarının xeyir-duası ilə igid əsgərlərimiz Azərbaycan Prezidenti, Müzəffər Ali Baş Komandan İlham Əliyevin müdrik rəhbərliyi ilə düşməni məğlub edərək, şəhidlərimizin qanını yerdə qoymadı, düşməndən intiqamımızı döyüş meydanında aldı.

Vurğulanıb ki, bu gün dövlətimiz şəhid ailələri, müharibə əlilləri və qazilər üçün lazımi diqqət və qayğı göstərir. Təsadüfi deyil ki, həm birinci, həm İkinci Qarabağ müharibələrində şəhid olmuş Vətən övladlarının ailələrinə Bakıda, Sumqayıtda və digər şəhər və rayonlarımızda yeni mənzillər təqdim edilir, onların sosial problemlərinin həlli istiqamətində mühüm layihələr həyata keçirilir.

Videokonfransda Azərbaycanda qadınlara daim böyük ehtiram və hörmət bəslənildiyini xatırladan Mehman İsmayılov müdrik hökmdar, cəsur sərkərdə, istedadlı şair və sənətkar qadınlarımızın adlarının çoxəsrlik tariximizin səhifələrinə qızıl hərflərlə yazıldığını deyib. Bildirilib ki, Azərbaycanda qadın hərəkatı gündən-günə inkişaf edir. Bu, həm bizim tarixi ənənələrimiz, həm də həyata keçirilən dövlət qadın siyasəti və onlara yaradılan şəraitlə bağlıdır. Qadınlarımız dövlətin yaratdığı bütün imkanlardan istifadə edirlər. Onlar hər zaman Azərbaycan Prezidenti İlham Əliyevin və Birinci vitse-prezident Mehriban xanım Əliyevanın diqqət və qayğısını öz üzərlərində hiss edirlər. Məhz bunun nəticəsidir ki, bu gün ölkəmizdə bütün sahələrdə yaradılan şərait qadınların ictimai-siyasi və sosial-mədəni həyata daha fəal cəlb olunmasını şərtləndirməklə yanaşı, həm də öz potensiallarını sərbəst, səmərəli şəkildə reallaşdırmalarına yol açır.

Sonda FHN-in Aparatında və qurumlarında fəaliyyət göstərən həmkarlar ittifaqı komitələrinin qadın sədrlərinə qiymətli hədiyyələr təqdim olunub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM