Azərbaycan Milli Məclisinin Sədri general-leytenant Aleksandr Voloxu mükafatlandırmışdır
Rusiyanın şimal paytaxtında səfərdə olan Azərbaycan parlamentinin spikeri Oqtay Əsədov Füzuli rayonunun keçmiş hərbi komendantı, istefada olan daxili xidmət general-leytenantı Aleksandr Voloxu Azərbaycan Respublikası Milli Məclisinin fəxri medalı ilə mükafatlandırmışdır. Sankt-Peterburqun Tavriçeski sarayında təltifetmə mərasimi olmuşdur.
Oqtay Əsədov çıxışında Azərbaycan xalqı qarşısında xüsusi xidmətlərinə görə A.Voloxa təşəkkürünü bildirmiş və qeyd etmişdir ki, o, igidliyinə və vətəndaş mövqeyinə görə mükafatlandırılır. Oqtay Əsədov demişdir: "Aleksandr Volox Azərbaycan xalqının dostudur. Hələ 1991-ci ildə Dağlıq Qarabağda separatçı silahlı dəstələr özbaşınalıqlar törədərkən Füzuli rayonunun komendantı olaraq Aleksandr Volox sovet zabitinə xas olan əsl şücaət və igidlik nümunəsi göstərmişdir. Onun köməyi ilə yüzlərlə azərbaycanlı uşaq, qadın, qoca xilas edilmişdir. O dəhşətli hadisələrdən 20 il keçmişdir, xilas edilmiş uşaqlar böyümüşdür və mən Azərbaycan xalqı adından Sizə minnətdarlığımı bildirmək istəyirəm".
A.Volox cavab sözündə demişdir: "O vaxt biz mükafat haqqında düşünmürdük, öz borcumuzu yerinə yetirirdik və mən xoşbəxtəm ki, belə yardım göstərmişəm. Bu mükafat ona görə qiymətlidir ki, o, mənə adamları öldürdüyümə görə deyil, onları xilas etdiyimə görə verilir. Ədalətli işlər tanınmalıdır və mən Azərbaycana minnətdaram. Düşünürəm ki, Azərbaycanımız bundan sonra da çiçəklənəcək və ədalət qalib gələcəkdir".
Azərbaycanın Rusiyadakı səfiri Polad Bülbüloğlu A.Voloxu mükafat alması münasibətilə təbrik etmiş və ikitərəfli Azərbaycan-Rusiya münasibətlərinin yüksək səviyyədə olduğunu qeyd etmişdir. Diplomat demişdir: "Hazırda ölkələrimiz arasındakı münasibətlər elə səviyyədədir ki, heç kəs onları korlamağa qadir deyildir. Düzdür, bəzən müəyyən cəhdlər edilir, fitnəkarlıqlar törədilir. Amma onların hamısı boşa çıxır". Azərbaycanın Sankt-Peterburqdakı baş konsulu Qüdsi Osmanov demişdir ki, Aleksandr Voloxa Azərbaycanın yüksək mükafatının təqdim edilməsi mühüm hadisədir və onun qəhrəmanlığına görə Azərbaycan xalqının minnətdarlığını təcəssüm etdirir.
Qeyd etmək lazımdır ki, 1991-ci ilin oktyabrında Dağlıq Qarabağda azərbaycanlıların yaşadıqları onlarca kənd qeyri-qanuni silahlı dəstələrin genişmiqyaslı hücumuna məruz qalmışdı. Minlərlə dinc sakin, əsasən qocalar, qadınlar, uşaqlar aramsız atəşə tutulurdu. Onlar üçün yeganə qurtuluş sovet hərbi qulluqçuları tərəfindən mühafizə olunan tək-tük hərbi komendantlıq postları idi. Füzuli rayonunun hərbi komendantı polkovnik A.Voloxun əmri ilə komendantlığın bütün qüvvələri mülki əhalinin xilas edilməsinə yönəldildi. Polkovnik A.Volox dinc vətəndaşların əksəriyyətini bir neçə günə hərbi münaqişə zonasından çıxara bilmişdi.
Asya HACIZADƏ,
AzərTAc-ın xüsusi müxbiri
Sankt-Peterburq
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
Naxçıvandan Qarabağa yollanan şəhid ailələri Füzuli rayonunda olublar
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!