Azərbaycan Latviya üçün etibarlı və vacib tərəfdaş ölkədir
Azərbaycana rəsmi səfəri çərçivəsində Latviya Respublikasının Prezidenti Andris Berzinş aprelin 24-də Milli Məclisdə olmuşdur.
Parlamentin binası önündə ali qonağı Milli Məclisin Sədri Oqtay Əsədov və digər rəsmi şəxslər qarşılamışlar.
Latviya Prezidenti Azərbaycan parlamentinin binası ilə tanış olduqdan sonra Milli Məclisin Sədri Oqtay Əsədovla görüşmüşdür.
Milli Məclisin Sədri demişdir ki, Azərbaycan ilə Latviya arasındakı dostluq münasibətləri müstəqilliyimizin bərpasından sonra yeni müstəvidə daha da inkişaf etmiş və möhkəmlənmişdir. Bu gün əlaqələrimiz çox yüksək səviyyədədir.
Əməkdaşlığımızın daha da genişlənməsində dövlətlərimizin başçılarının qarşılıqlı səfərlərinin və görüşlərinin mühüm əhəmiyyətini vurğulayan Oqtay Əsədov demişdir ki, indiyədək Azərbaycan ilə Latviya arasında 28 sənəd imzalanmışdır. Dövlətlərimiz arasındakı hüquqi bazanın möhkəmləndirilməsi istiqamətində müvafiq işlər davam etdirilir.
O.Əsədov dövlətlərarası əlaqələrin inkişafında parlamentlərin rolunu xüsusi qeyd etmiş, hər iki ölkənin qanunverici orqanında fəaliyyət göstərən dostluq qruplarının işini, eləcə də deputatlarımızın beynəlxalq təşkilatlardakı səmərəli əməkdaşlığını yüksək qiymətləndirmişdir.
Milli Məclisin Sədri Azərbaycanın sürətli inkişafından danışmış, Ermənistanın işğalçılıq siyasəti nəticəsində yaranmış Dağlıq Qarabağ münaqişəsi barədə qonaqlara ətraflı məlumat vermişdir.
Prezident Andris Berzinş demişdir ki, Azərbaycan Latviya üçün etibarlı və vacib tərəfdaş ölkədir. Biz əməkdaşlığımızın hərtərəfli inkişafında maraqlıyıq. Artıq, 20 illik diplomatik münasibətləri olan ölkələrimiz arasında əlaqələr getdikcə genişlənir.
Andris Berzinş demişdir ki, Latviya Dağlıq Qarabağ münaqişəsinin nizamlanması məsələsində Azərbaycanın həyata keçirdiyi siyasəti dəstəkləyir. Hesab edirik ki, bu münaqişə sülh yolu ilə, dövlətlərin ərazi bütövlüyü və beynəlxalq hüququn norma və prinsipləri əsasında öz həllini tapmalıdır.
Görüşdə Azərbaycan ilə Latviya arasında mədəniyyət, elm və təhsil sahələrində əməkdaşlığın, iqtisadi-ticari əlaqələrin inkişafı, birgə biznes forumların və "dəyirmi masa"ların keçirilməsi və s. məsələlər ətrafında fikir mübadiləsi aparılmışdır.
AzərTAc
Foto A.MƏMMƏDOVUNDUR
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gözəlliyi rənglərə köçürən rəssam
25 Aprel
Şuşa xanəndəlik məktəbinin nümayəndələrindən biri - Seyid Şuşinski
25 Aprel
Mədəniyyət beşiyi
25 Aprel
COP29 Azərbaycan üçün böyük fürsətdir
25 Aprel
COP29 ərəfəsində "yaşıl külək"
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
25 Aprel
Azərbaycan-Çin əlaqələri dostluğa və qarşılıqlı maraqlara söykənir
25 Aprel
Sahibkarlar iqtisadi inkişafın aparıcı qüvvəsidir
25 Aprel
"Delimitasiya Hayastanın xilası olacaq"
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!