01 May 2015 04:05
809
Turizm
A- A+

Azərbaycan Konqreslər Bürosu ölkəmizi Dünya Turizm Forumunda təmsil edib

Mədəniyyət və Turizm Nazirliyinin nəzdində yaradılmış Azərbaycan Konqreslər Bürosu Türkiyədə keçirilən Dünya Turizm Forumunda ölkəmizi təmsil edib.

Nazirliyin mətbuat xidmətindən AZƏRTAC-a bildirilib ki, İstanbulda təşkil edilən forum turizm sahəsində ən son yenilikləri müəyyənləşdirib.

Azərbaycan Konqreslər Bürosunun direktoru Florian Senqstşmid tədbirdə “Azərbaycanın inkişaf etməkdə olan məkan kimi marketinq təcrübəsi” mövzusunda məruzə edib, təmsil etdiyi qurumun fəaliyyəti və qazandığı təcrübə barədə məlumat verib.

Dünya Turizm Forumunda “2030-cu ildə turizm”, “Online turizm-səyahətin gələcəyi”, “Məkan marketinqi” və “Turizmin iqtisadi təsiri və nəticələri” mövzularında müzakirələr aparılıb. Forum çərçivəsində, həmçinin nazirlərin görüşü keçirilib.

Bu beynəlxalq əhəmiyyətli tədbirin əsas məqsədi Dünya Turizm Forumunun gələcəyə baxışını regional ekspertlərlə paylaşmaq, yeni nəsil istehlakçı modellərini təqdim etmək, turizm sahəsindəki yeni texnoloji meyilləri və beynəlxalq marketinq təcrübəsini yerli şirkətlərlə bölüşməkdir.

Rusiya, türkdilli dövlətlər, Körfəz ölkələri və Avropa regionunun turizm şirkətlərini və dünya turizm sektorunun rəsmilərini bir araya gətirən forumda müvafiq sahənin iqtisadi, siyasi və yeni inkişaf meyilləri müzakirə olunub və gələcək istiqamətləri təyin edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video