21:15 23 Oktyabr 2021
ONLINE XƏBƏR LENTİ
01:45 23.10.2021 Azad yurdum
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan ilə Pakistan arasında müdafiə sahəsində əməkdaşlıq əlaqələri müzakirə olunub
ANA SƏHİFƏ / SİYASƏT
21:28 23.09.2021

 

Azərbaycanın Pakistandakı səfiri Xəzər Fərhadov bu ölkənin müdafiə istehsalı naziri, Azərbaycan-Pakistan Hökumətlərarası Birgə Əməkdaşlıq Komissiyasının həmsədri Zubeyda Cəlal ilə görüşüb.

AZƏRTAC xəbər verir ki, Azərbaycan-Pakistan münasibətlərindən söz açan səfir bu münasibətlərin yüksək səviyyədə olmasında hər iki ölkə rəhbərliyinin rolunu xüsusi vurğulayıb. X.Fərhadov ölkələrimiz arasında fəaliyyət göstərən Hökumətlərarası Birgə Əməkdaşlıq Komissiyasının əhəmiyyətindən bəhs edərək bu komissiyanın iclasının bu ilin sonuna kimi keçirilməsinin razılaşdırıldığını bildirib.

Diplomat Azərbaycan Respublikasının Prezidenti İlham Əliyevin Azərbaycan-Pakistan yüksək səviyyəli siyasi əlaqələrinə uyğun olaraq iki ölkə arasında bütün sahələrdə, xüsusilə iqtisadi-ticarət sahəsində münasibətlərin inkişaf etdiriməsinə dair müvafiq tapşırıqlar verdiyini söyləyib, bu istiqamətdə görülmüş işlər və çoxsaylı potensial layihələr haqqında xanım naziri məlumatlandırıb.

X.Fərhadov Komissiya çərçivəsində Azərbaycanın və Pakistanın müvafiq qurumları arasında enerji, nəqliyyat, təhsil, səhiyyə və informasiya texnologiyaları sahələrində işçi qruplarının yaradılmasının iki ölkə arasında əməkdaşlığın daha da inkişafına töhfə verəcəyini diqqətə çatdırıb.

Zubeyda Cəlal səfir Xəzər Fərhadovu təyinatı münasibətilə təbrik edib və ona yeni fəaliyyətində uğurlar arzulayıb. Xanım nazir Azərbaycan və Pakistan arasındakı münasibətlərin cari vəziyyətinin yüksək olmasından məmnunluğunu ifadə edib. O, Pakistanın Baş naziri İmran Xanın Azərbaycanla əlaqələrə xüsusi diqqət yetirilməsi ilə bağlı təlimatını aldığını vurğulayaraq iki qardaş ölkə arasında münasibətlərin daha da gücləndirilməsi üçün lazımi işlərin aparılacağını əminliklə bildirib.

Komissiya çərçivəsində Azərbaycanın və Pakistanın müvafiq qurumları arasında enerji, nəqliyyat, təhsil, səhiyyə və informasiya texnologiyaları sahələrində işçi qruplarının yaradılması təklifini dəstəkləyən xanım nazir iki ölkə arasında potensial əməkdaşlıq sahələrindən bəhs edərək müdafiə sənayesi sahəsi üzrə əməkdaşlıq imkanları barədə məlumatları da diqqətə çatdırıb.

Görüşdə, həmçinin Azərbaycan-Pakistan-Türkiyə üçtərəfli əməkdaşlıq formatının gücləndirilməsinin əhəmiyyəti barədə də fikir mübadiləsi aparılıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM