Azərbaycan gimnastı Oleq Stepko birinci Avropa Oyunlarının çempionu olub
Qaliblərə medalları birinci xanım, “Bakı-2015” qitə Oyunları Təşkilat Komitəsinin sədri, Gimnastika Federasiyasının prezidenti Mehriban Əliyeva təqdim edib
İyunun 20-də Milli Gimnastika Arenasında idman gimnastikası yarışlarının final mərhələsi keçirilib.
Azərbaycan idmançısı Oleq Stepko kişilərin gimnastika atı üzrə yarışlarında gümüş, dayaqla tullanma yarışlarında bürünc və paralel qollarda hərəkətlər üzrə yarışda isə qızıl medal qazanıb. Beləliklə, Azərbaycan milli komandasının hesabında 14 qızıl, 6 gümüş və 13 bürünc medal var.
İdman gimnastikası üzrə mübarizənin gedişini Azərbaycan Respublikasının Prezidenti İlham Əliyev və “Bakı-2015” birinci Avropa Oyunları Təşkilat Komitəsinin sədri, Azərbaycan Gimnastika Federasiyasının prezidenti Mehriban Əliyeva izləyiblər.
Komanda və fərdi çoxnövçülük yarışlarından sonra gimnastlar ayrı-ayrı hərəkətlər üzrə mübarizəyə qoşulublar. İlk Avropa Oyunlarının 9-cu gününə təsadüf edən bu yarışlarda gimnastlar 10 dəst medal uğrunda mübarizə aparıblar. Qadınlar 4, kişilər isə 6 hərəkətdə çıxış ediblər. Hər bir yarış üzrə 6 idmançı qüvvəsini sınayıb. Yarışlarda ilkin olaraq kişilər sərbəst hərəkətlər üzrə, qadınlar isə dayaqla tullanma üzrə final mərhələsində mübarizə aparıblar. Azərbaycan gimnastı Oleq Stepko da mükafatlar uğrunda yarışıb. O, əvvəlcə kişilərin gimnastika atı üzrə hərəkətlərlə yarışına qoşulub. İdmançımız 14,600 xalla ikinci yeri tutaraq gümüş medal qazanıb. Bu, Azərbaycan milli komandasının birinci Avropa Oyunlarında 6-cı gümüş medalı olub.
Xatırladaq ki, Oleq Stepko gimnastika üzrə komanda yarışlarında bürünc, fərdi çoxnövçülükdə isə gümüş medal qazanıb.
Qalib idmançılara mükafatları “Bakı-2015” ilk Avropa Oyunları Təşkilat Komitəsinin sədri, Azərbaycan Gimnastika Federasiyasının prezidenti Mehriban Əliyeva təqdim edib.
Sonra qalib idmançının şərəfinə dövlət himni səslənib.
Halqalarla hərəkətlərdə qüvvəsini sınayan Oleq Stepko 4-cü nəticə göstərib. Kişilərin dayaqla tullanma yarışlarında isə Oleq Stepko uğurla yarışaraq komandamıza növbəti bürünc medal qazandırıb. Sonra dayaqla tullanma yarışlarında fərqlənən idmançıların mükafatlandırılması mərasimi olub.
Bu növdə birinci Avropa Oyunlarının çempionu adını qazanan Oleq Verniayevin şərəfinə Ukraynanın dövlət himni səslənib.
Daha sonra Azərbaycan idmançısı Oleq Stepko paralel qollarda hərəkətlər üzrə yarışlarda mübarizəyə qoşulub. Gimnastımız bu idman növündə ən yüksək nəticə göstərərək qızıl medalın sahibi olub.
Sonra paralel qollarda hərəkətlər üzrə yarışlarda qalib gələn idmançıların mükafatlandırılması mərasimi keçirilib.
Paralel qollarda hərəkətlər üzrə yarışlarda birinci Avropa Oyunlarının çempionu adını qazanan Oleq Stepkonun şərəfinə Azərbaycanın dövlət himni səsləndirilib, dövlət bayrağı ucaldılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!