13 Fevral 2013 03:02
417
PARLAMENT
A- A+

Azərbaycan enerji sahəsində əməkdaşlıq məsələlərində etibarlı tərəfdaşdır

 

Azərbaycan Respublikası Milli Məclisinin Sədri Oqtay Əsədov fevralın 12-də Avronest Parlament Assambleyasının (PA) enerji təhlükəsizliyi komitəsinin Bakıda keçirilən iclasının iştirakçıları ilə görüşmüşdür.

O.Əsədov demişdir ki, Azərbaycan Avropanın bütün demokratik təşkilatları, o cümlədən Avronest PA ilə əməkdaşlığın inkişafında maraqlıdır. Assambleyanın ikinci sessiyasının, eləcə də bu komitənin iclasının Bakıda yüksək səviyyədə keçirilməsi deyilənlərin əyani sübutudur.

Komitənin Bakıda keçirilən iclasında müzakirə olunan məsələlər, xüsusən enerji təhlükəsizliyi olduqca əhəmiyyətlidir və düşünürük ki, bu cür görüşlər, aparılan danışıqlar bizim əməkdaşlığımızı daha da genişləndirir və möhkəmləndirir, qarşıya qoyduğumuz məqsədlərə nail olunmaqda xüsusi rol oynayır.

Milli Məclisin Sədri komitənin fəaliyyətlərinə uğurlar arzulamış, müzakirə olunan məsələlərin Avronest PA-nın zirvə toplantısında təsdiq ediləcəyinə ümidvar olduğunu bildirmişdir.

Enerji təhlükəsizliyi komitəsinin həmsədri, Avropa Parlamentinin deputatı Yiri Mastalka göstərilən qonaqpərvərliyə və yüksək təşkilatçılığa görə Azərbaycan tərəfinə təşəkkürünü bildirmişdir.

O demişdir: "Biz Bakıda keçirdiyimiz görüşlərdə və aparılan müzakirələrdə azərbaycanlı mütəxəssislərin fikirlərini dinlədik və bir daha əmin olduq ki, Azərbaycan enerji təhlükəsizliyi və enerji sahəsində əməkdaşlıq məsələsində etibarlı tərəfdaşdır. Biz həmkarlarımızın, eləcə də rəsmi Bakının Avropa ilə əlaqələrin inkişafına verdiyi töhfəni yüksək qiymətləndiririk".

Sonra görüşdə Azərbaycanın Avropaya inteqrasiyası, Avronest PA ilə əməkdaşlıq və qarşılıqlı maraq doğuran digər məsələlər ətrafında fikir mübadiləsi aparılmışdır.

 

AzərTAc

Foto F.BAĞIROVUNDUR

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video