Azərbaycan-Braziliya əlaqələrinin inkişafı üçün böyük potensial vardır
Milli Məclis Sədrinin birinci müavini Ziyafət Əsgərov Braziliya parlamentinin deputatlar palatasının xarici əlaqələr və milli müdafiə komitəsinin sədri Nelson Pelleqrinonun başçılıq etdiyi nümayəndə heyəti ilə görüşmüşdür.
Qonaqları salamlayan Z.Əsgərov Azərbaycanın Cənubi Amerika dövlətləri, xüsusilə Braziliya kimi siyasi çəkiyə malik olan bir dövlətlə münasibətlərə böyük önəm verdiyini bildirmişdir.
Qeyd olunmuşdur ki, ikitərəfli əməkdaşlıq üçün kifayət qədər böyük potensial vardır və bu potensialdan istifadə edib əlaqələri yüksək səviyyəyə qaldırmaq lazımdır.
Ölkəmizin iqtisadi inkişafı, beynəlxalq siyasi arenadakı fəaliyyəti haqqında qonaqlara məlumat verən Milli Məclis Sədrinin birinci müavini Ermənistan-Azərbaycan, Dağlıq Qarabağ münaqişəsinə də toxunmuş, Azərbaycanın təcavüzə məruz qaldığını və ərazisinin 20 faizinin işğal altında olduğunu nəzərə çatdırmışdır.
Bildirilmişdir ki, Ermənistan heç bir beynəlxalq qanuna hörmətlə yanaşmır. BMT, Avropa İttifaqı, Avropa Şurası Parlament Assambleyası kimi nüfuzlu beynəlxalq təşkilatlar Azərbaycanın işğal olunmuş ərazilərinin azad edilməsi haqqında qətnamələr qəbul etsələr də, Ermənistan bunlara məhəl qoymur. Bəzi dövlətlər isə problemə ikili standartlar siyasətindən yanaşırlar ki, bu da ermənilərə işğalı davam etdirmək üçün imkan yaradır.
Nelson Pelleqrino səmimi görüşə görə minnətdarlıq edərək demişdir ki, səfərin yekunları haqqında Braziliya parlamentinə hesabat verəcək və həmin hesabatda Azərbaycanın ərazilərinin işğal altında olmasını bildirəcəkdir.
Ölkəmizə səfəri çərçivəsində Bakını və bəzi rayonları gəzdiyini bildirən qonaq Azərbaycanın sürətlə inkişaf etdiyini demişdir.
Bildirilmişdir ki, Braziliya xarici siyasətində parlament diplomatiyasına daha çox üstünlük verir. Çünki ənənəvi diplomatiyadan fərqli olaraq parlament nümayəndələrinin apardıqları danışıqlar və qurduqları əlaqələr səmimi olur. Bu baxımdan Azərbaycan ilə yaradılacaq əməkdaşlıq əlaqələri faydalı və səmimi olacaqdır.
Nelson Pelleqrino Milli Məclis Sədrinin birinci müavini Z.Əsgərovu Braziliyaya dəvət etmiş, göstərilən qonaqpərvərliyə görə təşəkkürünü bildirmişdir.
Görüşdə qarşılıqlı maraq doğuran məsələlər ətrafında fikir mübadiləsi aparılmışdır.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!