Azərbaycan Avropanın enerji təhlükəsizliyində mühüm rol oynayır
Azərbaycanda səfərdə olan Monteneqro Prezidenti Filip Vuyanoviç sentyabrın 16-da Milli Məclisə gəlmişdir.
Parlamentin binası önündə ali qonağı Milli Məclisin Sədri Oqtay Əsədov, sədrin müavinləri və digər rəsmi şəxslər qarşılamışlar.
Prezident Filip Vuyanoviç parlamentin binası, iclas zalı, deputatlar üçün yaradılmış şəraitlə tanış olmuş, Milli Məclisdəki Heydər Əliyev Xatirə zalına baxmışdır.
Monteneqro dövlətinin başçısı Xatirə kitabına ürək sözlərini yazmışdır.
Sonra Prezident Filip Vuyanoviç Milli Məclisin Sədri Oqtay Əsədovla görüşmüşdür.
O.Əsədov Monteneqro Prezidentinin Azərbaycana səfərinin iki ölkə arasında münasibətlərin inkişafına təkan verəcəyini bildirmişdir. O demişdir ki, Azərbaycan regionda sürətlə inkişaf edən ölkədir. Regionda istehsal olunan ümumi daxili məhsulun böyük bir hissəsi Azərbaycanın payına düşür. Azərbaycan bu bölgədə həyata keçirilən irimiqyaslı layihələrin həm təşəbbüskarı, həm də iştirakçısıdır. Ölkəmiz Avropanın enerji təhlükəsizliyində də mühüm rol oynayır.
Milli Məclisin Sədri ikitərəfli münasibətlərin inkişafında parlamentlərin rolunu da xüsusi qeyd etmişdir. O.Əsədov Ermənistan-Azərbaycan, Dağlıq Qarabağ münaqişəsi barədə ətraflı məlumat vermişdir. Bu problemin həllində Monteneqro dövlətinin Azərbaycanın haqq səsini müdafiə edəcəyinə əminliyini ifadə etmişdir.
Prezident Filip Vuyanoviç Azərbaycanın sürətli iqtisadi inkişafını, regiondakı mövqeyini, eləcə də parlamentdə deputatlar üçün yaradılmış şəraiti yüksək qiymətləndirmişdir.
O demişdir ki, həqiqətən də dövlətlərarası əlaqələrin inkişafında parlamentlər mühüm rol oynayırlar. İnanıram ki, müxtəlif səviyyələrdə qarşılıqlı səfərlərin təşkili və təcrübə mübadiləsi faydalı olacaqdır. Azərbaycanın təcrübəsinin öyrənilməsi bizim üçün önəmlidir.
Monteneqro dövlətinin başçısı Azərbaycana səfərinin ölkələrimiz arasında əlaqələrin bütün sahələrdə inkişafına töhfə verəcəyinə əminliyini ifadə etmiş, bunun üçün hüquqi baza yarandığını bildirmişdir.
AzərTAc
Foto F.BAĞIROVUNDUR
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNƏCƏK ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
ABŞ dövlət katibi Antoni Blinken Pekinə gəlib
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!