Azərbaycan ABŞ-la əlaqələrə böyük önəm verir
Sentyabrın 27-də Milli Məclisin Sədri Oqtay Əsədov ölkəmizdə səfərdə olan ABŞ-ın Kaliforniya Senatının qanunvericilərindən ibarət nümayəndə heyəti ilə görüşdü. Qonaqları salamlayan Milli Məclisin Sədri Azərbaycanın ABŞ-la əlaqələrin inkişafına önəm verdiyini dedi. Qeyd etdi ki, hazırda strateji tərəfdaşlıq səviyyəsinə yüksələn bu əlaqələr terrorçuluğa qarşı birgə mübarizə, enerji təhlükəsizliyi və digər vacib sahələri əhatə edir. İndiyədək iki dövlət arasında 70-dən artıq sənədin imzalandığını deyən Oqtay Əsədov iqtisadi əlaqələrin də inkişaf etdiyini, bu ilin 6 ayında ikitərəfli ticarət dövriyyəsinin 1 milyard 200 milyon dollar təşkil etdiyini bildirdi.
Milli Məclisin Sədri Oqtay Əsədov Azərbaycanın ABŞ-ın ştatları ilə də əlaqələrin inkişafına əhəmiyyət verdiyini qonaqların diqqətinə çatdırdı. Bildirdi ki, Azərbaycanın ABŞ-ın Los-Anceles şəhərində Baş Konsulluğu fəaliyyət göstərir. Ölkəmiz ştatların qanunvericilik orqanları ilə də əlaqələrdə maraqlıdır. Belə əlaqələr ikitərəfli münasibətlərin inkişafına təkan verir. Oqtay Əsədov ümidvar olduğunu bildirdi ki, Kaliforniya Senatının qanunvericilərinin ölkəmizə səfəri əlaqələrə öz töhfəsini verəcək.
Azərbaycanın dinamik inkişaf edən və Avratlantik məkana inteqrasiya olunan ölkə olduğunu deyən Oqtay Əsədov bununla belə ölkəmizin ən ağrılı məsələsi olan Ermənistan-Azərbaycan, Dağlıq Qarabağ münaqişəsinin hələ də həll olunmadığını bildirdi. Münaqişənin həlli ilə bağlı ATƏT-in Minsk qrupu məşğul olur. Minsk qrupunun həmsədri olan ABŞ Azərbaycanın ərazi bütövlüyünü həmişə dəstəkləyib. İnanırıq ki, Minsk qrupuna həmsədr dövlətlər səylərini daha da artıracaqlar və münaqişə Azərbaycanın ərazi bütövlüyü çərçivəsində öz ədalətli həllini tapacaq.
Görüş üçün təşəkkürünü bildirən nümayəndə heyətinin başçısı, Kaliforniya Senatının Ətraf mühitin keyfiyyəti üzrə komitəsinin sədri Cozef Simitian dedi ki, Azərbaycanın artan iqtisadi imkanları bütün dünyada onun nüfuzunu gücləndirir. Qonaq Ermənistan-Azərbaycan, Dağlıq Qarabağ münaqişəsinin öz ədalətli həllini tapacağına ümid etdiyini də bildirdi.
Görüşdə qarşılıqlı maraq doğuran məsələlər ətrafında fikir mübadiləsi aparıldı.
"Azərbaycan"
Foto F.Bağırovundur
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNƏCƏK ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
ABŞ dövlət katibi Antoni Blinken Pekinə gəlib
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!