27 Noyabr 2016 12:11
686
Oxucu məktubları
A- A+

Avtobus dayanacağı var, amma nə faydası?!

 

Piran Lerikin ucqar kəndlərindəndir. Rayon mərkəzi xeyli uzaq olduğundan bizim kəndin və ətrafdakı qonşu yaşayış məntəqələrinin sakinləri müəyyən işlərinin həlli, o cümlədən alış-veriş üçün daha yaxın olan Lənkəran şəhərinə yollanırlar.

Bunun üçün gündəlik avtobus xidməti də təşkil olunub. Problemimiz camaatın bu avtobusu gözlədiyi  dayanacaqla bağlıdır.

Keçmişdə burada yaraşıqlı dayanacaq var idi. Hamını da qane edirdi: insanlar yayda günəşdən, payızda-qışda yağışdan-qardan orada daldalanırdılar. İndi həmin dayanacaq sökülüb, yerində müxtəlif dükanlar tikilib. Əvəzində əks istiqamətdə başqa dayanacaq quraşdırılıb. Amma mahiyyəti üzrə yararsızdır, yağışlı havada orada daldalanmaq belə mümkün deyil. Ətrafı palçıq olur, üstündən də damır. Bir sözlə, işimizə yaramır.

Hörmətli redaksiya!

Bizi eşidən yoxdur. Amma ümid edirik ki, sizin sözünüzü eşidib bu işə əncam çəkən tapılacaq.

 

Zəfər ƏLİYEV,

Lerik rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video