Avropa çempionluğuna gedən yol Bakıdan da keçir
Paytaxtımız “Avro-2020”nin 4 matçına evsahibliyi edir
XVI qitə birinciliyində komandaların sayının, xüsusən də qələbəyə iddialı kollektivlərin çox olması azarkeşlərə maraqlı və gərgin idman mübarizəsi vəd edir. Belə ki, son Avropa birinciliyinin qalibi Portuqaliya, hazırkı dünya çempionu Fransa, çempionatlara xüsusi oyun planı ilə rəng qatan Almaniya, “Biz bitdi demədən bitməz” deməklə sürpriz nəticələr qazanan Türkiyə, eləcə də heyətlərində ulduz futbolçuların yer aldığı İtaliya, İngiltərə favoritlər hesab olunur.
Məlum olduğu kimi, Bakıda 4 qarşılaşma keçiriləcək ki, bunlardan 3-ü A qrupunun matçlarıdır. Bütün bunları nəzərə alaraq A qrupunda yer alan komandaların mövcud vəziyyəti barədə qısa məlumat vermək istərdik.
“Avro-2020”nin A qrupunda yer alan ev sahiblərindən İtaliya tarixində ilk dəfə qitə çempionu olmaqla yanaşı, 3 dəfə də ardıcıl turnirin finalında çıxış edib. 2006-cı ildə dünya çempionu olduqdan sonra elə də yüksək nəticə göstərə bilməyən italyanların azarkeşlərin dəstəyindən istifadə edərək çempion olmaq üçün ciddi mübarizə aparacaqları şübhəsizdir. Roberto Mançininin komandasındakı oyunçular əsasən “İnter”, “Yuventus”, “Roma”, “Latsio” və “Napoli”də forma geyinirlər. Lakin İtaliya klublarının ötən mövsüm avrokuboklarda heç də uğurlu olmayan çıxışlarının milli komandaya necə sirayət edəcəyi də çox maraqlıdır. Hücumçulardan Çiro İmmobile 2020-2021-ci il mövsümünü olduqca yüksək səviyyədə keçirib. Heyətində “İnter”də uğurla çıxış edən Nikolo Barella, “Çelsi”də Jorqinyo və “PSJ”də Marko Veratti kimi yarımmüdafiəçilər olan komandanın müdafiə xətti də inamlı təsir bağışlayır. 2006-cı il dünya birinciliyindən sonra Avropa və dünya çempionatlarında güclü rəqiblərlə qarşılaşmada qələbə qazana bilməyən italyanlar üçün qitə birinciliyinin ilk oyununda Türkiyəyə qalib gəlmək mühüm əhəmiyyət daşıyır.
A qrupunun digər favoriti yeni nəsil futbolçuları ilə seçilən, təsnifat mərhələsində öz qapısından cəmi 3 top buraxan Türkiyə millisidir. Turnirə kimi keçirdiyi 3 yoldaşlıq qarşılaşmasının 2-dən qalib ayrılan Türkiyə çempionatın ən inadkar komandalarındandır. Təsnifat mərhələsində yer aldığı qrupda Fransa ilə birlikdə çempionata vəsiqəni çətinlik çəkmədən əldə edən Türkiyə oynadığı matçlarda nümayiş etdirdiyi kompakt futbolla diqqət mərkəzindədir. Müdafiədə Merih Demiral, Çağlar Söyüncü, yarımmüdafiədə Hakan Çalhanoğlu, Yusuf Yazıcı və Okay Yokuşlu ilə çox yaxşı bir komanda formalaşdıran Şenol Günəşin hücum xəttində əsas qol silahı isə Burak Yılmaz olacaq. Start 11-likdə yer alan oyunçulardan 9-nun legioner həyatı yaşaması da “ay-ulduzlular”ın daha baxımlı futbol nümayiş etdirməsində mühüm rol oynayır.
Təsnifat mərhələsində D qrupunun lideri olaraq final mərhələsinə vəsiqə qazanan İsveçrə qatıldığı turnirlərdə bir qədər qəribə çıxışları ilə yadda qalıb. Belə ki, qatıldığı son 6 dünya və Avropa çempionatlarının 4-də qrup mərhələsini rahat keçən isveçrəlilər sonrakı mərhələdə məğlub olaraq mübarizəni dayandırıblar. Onu da deyək ki, İsveçrə millisi eyni qrupda yer aldığı Türkiyə yığması ilə “Avro-2008”də qarşılaşmış və 1:2 hesabı ilə uduzmuşdu. Komandanın heyətində daha çox diqqət çəkən futbolçular Qranit Caka və Xerdan Şakiridir.
Avropa çempionatına qatılan və sürpriz nəticə gözlənilən komandalardan biri də Uelsdir. Uelslilərin “Avro-2020”yə yüksəlməsində sözsüz ki, “Real”ın ulduzu Qaret Beylin rolu böyükdür. Komandanın seçmə mərhələdə qazandığı qələbələrdə oyun planında önəmli rol oynayan Beyl baş məşqçi Rayan Qiqqsin əvəzedilməz futbolçularından biridir. Komandanın heyətində yer alan futbolçular əsasən İngiltərə Premyer Liqasında və Uels liqasında forma geyən oyunçulardır.
Beləliklə, azarkeşlərin böyük səbirsizliklə gözlədikləri “Avro-2020” həyəcanı başlayır. Bakı Olimpiya Stadionunda iyunun 12-də Uels - İsveçrə, iyunun 16-da Türkiyə - Uels, iyunun 20-də isə İsveçrə - Türkiyə matçları oynanılacaq. İyulun 3-də isə Azərbaycan dörddəbir final mərhələsinin bir qarşılaşmasına evsahibliyi edəcək. Ümid edirik ki, Bakıda keçiriləcək oyunlarda tamaşaçılar baxımlı və gərgin matçların şahidi olacaqlar.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!