ATƏT-in fəaliyyətdə olan sədri Milli Məclisdə təmsil olunan siyasi partiyaların rəhbərləri ilə görüşüb
İyunun 1-də ATƏT-in fəaliyyətdə olan sədri, Serbiya Baş nazirinin müavini və xarici işlər naziri İvitsa Daçiçin başçılıq etdiyi nümayəndə heyəti Milli Məclisdə təmsil olunan siyasi partiyaların rəhbərləri ilə görüşüb.
Görüşdə Yeni Azərbaycan Partiyası icra katibinin müavini, Milli Məclisin intizam komissiyasının sədri Siyavuş Novruzov parlamentin fəaliyyəti və burada təmsil olunan siyasi partiyalar barədə məlumat verib.
Ermənistan-Azərbaycan, Dağlıq Qarabağ münaqişəsindən danışan S. Novruzov bildirib ki, bu münaqişə nəticəsində Azərbaycan ərazisinin 20 faizi Ermənistan silahlı qüvvələri tərəfindən işğal edilib, bir milyondan artıq azərbaycanlı öz ölkəsində qaçqın və məcburi köçkünə çevrilib və onların hüquqları kobudcasına pozulub. Biz ATƏT-in Minsk qrupunun münaqişənin həlli istiqamətində fəaliyyətindən narazıyıq.
S.Novruzov ATƏT-in fəaliyyətdə olan sədrinin ermənilərin beynəlxalq hüquq qaydalarını pozaraq Kəlbəcərdə girov götürdükləri Dilqəm Əsgərovun və Şahbaz Quliyevin Azərbaycana geri qaytarılması ilə bağlı dəstək verməsinin vacibliyini vurğulayıb.
Diqqətə çatdırılıb ki, bu il Azərbaycanda parlament seçkiləri keçiriləcək. Bütün siyasi partiyalar bu məsələ ilə əlaqədar ciddi şəkildə məşğuldur. Təəssüflər olsun ki, 20 ildən artıqdır ATƏT-in Demokratik Təsisatlar və İnsan Haqları Bürosu mütəmadi olaraq Azərbaycan haqqında qərəzli bəyanatlar yayır, ölkəmizdə keçirilən seçkilər üzərinə kölgə salır. Baxmayaraq ki, Ermənistanda dəfələrlə biabırçı şəkildə seçkilər keçirilib, namizədlər güllələnib, lakin nədənsə onların seçkiləri həmişə ATƏT-in Demokratik Təsisatlar və İnsan Haqları Bürosu tərəfindən “demokratik” adlandırılıb. Həmçinin ermənilər Avropa Parlamentinin, Avropa Şurasının, ATƏT-in Parlament Assambleyasının nümayəndələrinin verdiyi bəyanatları da şantaj yolu ilə ləğv etməyə çalışırlar.
Görüşdə iştirak edən siyasi partiyaların rəhbərləri təəssüflə bildiriblər ki, Avropanın bəzi qurumlarının Azərbaycanla bağlı qeyri-obyektiv mövqeyi cəmiyyətdə narazılıqla qarşılanır. Çünki bu təşkilatlar ölkəmizin əsas problemi olan Ermənistan-Azərbaycan, Dağlıq Qarabağ münaqişəsinə ikili standartlardan yanaşırlar. Həmin qurumlar 20 ildən çox müddətdə ərazilərimizin bir hissəsini işğal altında saxlayan Ermənistana qarşı heç bir tədbir görmürlər. Ona görə də bu təşkilatların hər hansı mövqeyi artıq Azərbaycan cəmiyyətində ciddi qəbul olunmur. Vurğulanıb ki, heç bir halda heç bir Avropa təşkilatının bir neçə gündən sonra Azərbaycanda keçiriləcək birinci Avropa Oyunları ilə insan haqlarını qarşı-qarşıya qoymasının tərəfdarı deyilik. ATƏT-in Demokratik Təsisatlar və İnsan Haqları Bürosunun Azərbaycana qarşı həmişə qərəzli fikir ifadə etməsi bizi narahat edir.
İvitsa Daçiç Azərbaycan ilə Serbiya arasında əlaqələrin inkişaf etməsindən məmnunluğunu bildirib. O deyib ki, ölkələrimiz arasında dostluq münasibətləri var. ATƏT-in fəaliyyətdə olan sədri vurğulayıb ki, Serbiya Azərbaycanın ərazi bütövlüyünün pozulmasını yaxşı başa düşür. Serbiya üçün də ərazi bütövlüyü prinsipial məsələdir.
Görüşdə qaldırılan mövzular ətrafında fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addım...
29 Mart
Ermənistan Teleradio Şəbəkəsinin direktoru istefa verib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!